| e-texts navigator |
| བོད་ཡིག |
189b1 mngal zhes bya ba dang / bong bu dang ldan pa dag gis spyos pa na dge slong ma spa gong pa nyid du gyur kyang rung ma gyur kyang rung thams cad du ltung byed du 'gyur ro/ /gal te mang po zhig ming 'thun na ltung ba med do/ /de la yang dmigs kyis bsal ba med par mi
189b2 brjod kyi rgyu'i ched kyis ming nas brjod par bya'o/ /las dang po la sogs pa la ni ltung ba med do/ /ltung byed gnyis pa rdzogs s+ho// // gleng gzhi ni mnyan yod na'o/ /de'i tshe dge slong ma bcu gnyis sde rnams phra mas kun du spyod par byed
189b3 de/ tshu bi las thos nas pha bi dag la rjod par byed/ pha bi las thos nas tshu bi dag la brjod par byed pa na de dag phye ste phyogs gnyis su gyur pas phan tshun sdug bsngal zhing yid mi bde ba skyes la/ lung mnod pa dang / klag pa dang / kha ton
189b4 dang / rnal 'byor dang / yid la bya ba dang / nang gi sems kyis zhi gnas kyang stong bar byed cing gnas pa na don nyung ba'i dge slong ma dag smod par byed pa'i skabs de dge slong ma rnams kyis dge slong dag la smras pa dang / dge slong dag gis
189b5 bcom ldan 'das la gsol to/ /de nas bcom ldan 'das kyis dge slong ma rnams la bka' stsal pa/ dge slong ma dag khyod gcig la gcig phra mas kun du spyod par ma byed cig /de ci'i phyir zhe na/ dge slong
189b6 ma dag sngon byung ba na nags tshang tshing zhig na seng ge mo sbrum ma zhig yod de/ de rnams kyi rang bzhin ni bdag gi phrug gus nu ma za ba 'am/ ltogs par gyur na mi rung ngo zhes de nyid kha zas su bya ba'i phyir sha kho
189b7 na'i tshogs byas te 'breng bar byed do zhes bya ba nas ba zhig bsad de 'brangs so/ /ba de la yang be'u zhig yod pa seng ge mo de nyid kyi nu ma la 'thung ngo zhes bya ba'i bar du'o/ /ji tsam na gnyis ka chen por gyur nas
189b8 de yang 'chi ba'i dus kyi tshe zhes bya ba nas/ mdza' ba 'byed pa ni mang du yod do zhes yang dag par gtams nas zhes bya ba'i bar ro/ /wa zhig gis gnyis ka phye nas zhes bya ba nas/ de gnyis kyang gcig
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa