| e-texts navigator |
| བོད་ཡིག |
180b1 smras so/ /lha'i pham phabs su mi 'tshal/ de nas chos sbyin gyi seng ras gtsug dga' mo la byin no/ /des de bgos nas srang du zhugs na de'i lus g.yogs kyang sgren mo 'dra bar snang ngo / /de nas bram
180b2 ze dang / khyim bdag rnams kyis gtsug dga' mo rgyang ring po kho na nas 'ong ba mthong nas 'di skad ces smras so/ /pha bi su zhig yin/ nor can gyi 'am/ tshong dpon gyi 'am/ ded dpon gyi bu mo zhig 'ongs par gyur tam/ gzhan dag
180b3 gis 'di skad ces smras so/ /dge slong ma gtsug dga' mo yin no/ /de rnams kyis bltas nas 'di skad ces smras so/ /'di lta ste/ seng ras gyon pa 'di ni dge slong ma rnams la mdzes pa ma yin no zhes smod par byed/ phyar ka
180b4 gtong bar byed/ kha zer bar byed pa na don nyung ba'i dge slong ma rnams smod par byed pa'i skabs de/ dge slong ma rnams kyis rgyas par dge slong dag la smras pa dang / dge slong dag gis bcom ldan 'das la gsol to/ /de nas bcom
180b5 ldan 'das kyis byung ba 'di dang / gleng gzhi 'di dang / skabs 'di la nga'i nyan thos ma rnams kyis rnam par shes par 'gyur ba dang / ngas bslab pa'i gzhi legs par bcas par 'gyur bar bya ba'i phyir gnyi ga'i dge 'dun bsdu bar mdzad
180b6 do/ /sangs rgyas bcom ldan 'das rnams ni mkhyen bzhin du rmed pa/ mi mkhyen pa ma yin gyi mkhyen bzhin du rmed pa yin pas zhes bya ba nas/ dge slong ma khyod kyis mdzes pa ma yin pa 'di lta bu byas pa bden nam zhes bya ba'i
180b7 bar ro/ /btsun pa mad do/ /sangs rgyas bcom ldan 'das kyis smad par mdzad de/ dge slong ma dag bud med ni legs par sbas kyang mdzes pa ma yin na/ ma sbas na lta smos kyang ci dgos zhes rnam grangs du mar rnam par smad nas/
180b8 dge slong ma rnams la bka' stsal pa/ dge slong ma dag ngas phan yon bcu yang dag par rjes su gzigs nas 'dul ba la nyan thos ma rnams kyis bslab pa'i gzhi bca' bar mdzad de/ 'di lta ste/ dge 'dun yang dag
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa