| e-texts navigator |
| བོད་ཡིག |
179a1 snod gsum pa yin no zhes bya ba'i bar ro/ /don nyung ba'i dge slong ma dag smod par byed pa'i zhes bya ba nas/ de nas bcom ldan 'das kyis bslab pa bca' ba'i bar du mdzad de/ yang dge slong ma gang dge 'dun
179a2 gyi phyir rnyed pa bslangs te bdag nyid kyi kha'i bza' bar byin gyis rlob par byed na spang ba'i ltung byed do/ /yang dge slong ma gang zhes bya ba ni sbom dga' mo'o/ /dge 'dun ma'i phyir zhes bya ba ni de bzhin gshegs pa'i nyan thos kyi dge
179a3 'dun ma'i 'o/ /rnyed pa zhes bya ba la rnyed pa ni gnyis te/ zas kyi rnyed pa dang / gos kyi rnyed pa'o/ /don 'di la ni zas kyi rnyed pa yin par dgongs so/ /bslangs te zhes bya ba ni pha rol las so/ /kha'i zhes bya ba ni kha'i bza'
179a4 bar ro/ /byin gyis rlob par byed na zhes bya ba ni lkog mar mid par ro/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge 'dun ma'i rnyed pa bdag nyid
179a5 kyi kha'i sgor byin gyis rlob par byed na thams cad du spang ba'i ltung byed du 'gyur ro/ /spang ba'i ltung byed sum bcu gcig pa rdzogs s+ho// // gleng gzhi ni mnyan yod na'o/ /de'i tshe yul lus 'phags
179a6 kyi rgyal pos la ba rin po che zhig rgyal po gsal rgyal la skyes su bskur ba las/ des rgyal rigs nyams pa'i dmag mi rnams la byin no/ /de rnams kyis kyang chos sbyin ni bdag cag gi dge ba'i bshes gnyen yin no
179a7 zhes la ba rin po che de de la byin no/ /des kyang la ba rin po che chos gos kyi gdang la gzar te bzhag go/ /gtsug dga' mo gnas khang du zhugs pas mthong nas/ des chos sbyin la dris pa/ 'phags ma la ba rin po
179a8 che 'di su'i lags/ des 'di skad ces smras so/ /kho mo'i yin no/ /de nas gtsug dga' mos 'di skad ces smras so/ /bcom ldan 'das kyis bsod nams dag ni bya ba ste/ /bsod nams ma byas sdug bsngal
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa