| e-texts navigator |
| བོད་ཡིག |
175a1 slong na zhes bya ba ni gser ram dngul lo/ /spang ba'i ltung byed do zhes bya ba ni gong ma bzhin no/ /de la ltung bar ji ltar 'gyur zhe na/ yang dge slong ma gang rang gi don du mngon mtshan can slong na spang ba'i ltung byed do/ /
175a2 gser slong na spang ba'i ltung byed do/ /gang yang dge slong mas ci yang rung ba ma yin pa slong na de yang spang ba'i ltung byed do/ /spang ba'i ltung byed nyi shu bzhi pa rdzogs s+ho// // sangs rgyas bcom ldan 'das rgyal byed kyi
175a3 tshal mgon med zas sbyin gyi kun dga' ra ba na bzhugs so/ /de'i tshe mnyan yod na sbom dga' mo khyim bdag gi chung ma rab tu mang po la chos snyan pa dag ston to/ /de'i tshe sbom dga' mo'i chos gos lnga ni
175a4 rnyings/ snam sbyar ni dengs pa dang / de la khyim bdag gi chung ma de rnams kyis smras pa/ 'phags ma khyod gal te 'di 'dra ba'i chos 'chad mkhyen na khyod ci'i slad du chos gos rnying pa lngas 'khyam par mdzad/ des
175a5 'di skad ces smras so/ /ci kho mo la yang khyod bzhin du khyo dang bu las byed pa dag yod dam/ kho mo dge slong ma la ster ba su yod/ de la de dag gis skud pa dag bstan nas/ bdag cag gis skud pa 'di 'phags
175a6 ma'i slad du gos su 'thag tu stsal nas gsol lo/ /des 'di skad ces smras so/ /khyed kyis dge slong ma'i gos ji ltar bya ba mi shes pas kho mo rang gis btag go zhes de skud pa de khyer nas tshong ba'i mi gang na ba
175a7 der song ste phyin nas/ tshong ba'i mi la 'di skad ces smras so/ /kye nang rje khyod skud pa 'di ji tsam gyis nyo/ nyos nas ji tsam du 'tshong / des 'di skad ces smras so/ /kho bo ni 'di tsam gyis nyos nas kho bo ni 'di
175a8 tsam du 'tshong ngo / /des 'di skad ces smras so/ /skud pa 'di khyer la kho mo la rin byin cig /tshong ba'i mi des skud pa rin kAr ShA pa Na dag byin no/ /de nas sbom dga' mo dbyar khang du song nas kAr ShA pa Na de dag las
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa