| e-texts navigator |
| བོད་ཡིག |
169b1 skad ces smras so/ /'phags ma dag bdag cag gis gos kyi rin de dag phul lags so/ /sril rnams kyis zos so/ /dge slong ma rnams kyis bcom ldan 'das kyis dbyar gyi dus kyi rnyed pa dbyar gyi nang logs su bgo bar mi
169b2 bya'o/ /zhes gsungs pas/ bslab pa 'dod pas ma bgos pa'i skabs de dge slong ma rnams kyis dge slong dag la smras pa dang / dge slong dag gis bcom ldan 'das la gsol to/ /de nas bcom ldan 'das kyis byung ba 'di dang
169b3 zhes bya ba nas/ bslab pa bca' ba'i bar du mdzad de/ dge slong mas ston zla tha chungs nyar zhag bcus ma tshang ba tshun chad du brtad pa las byung ba'i gos zhig rnyed la/ brtad pa las byung ba'i gos 'dod na dge slong ma des blang bar
169b4 bya'o/ /blangs nas gos sbyin pa'i dus kyi bar du bcang bar bya'o/ /de las 'das par 'chang na spang ba'i ltung byed do/ /zhag bcu zhes bya ba ni zhag bcu pa la dgag dbye 'byung bar 'gyur ba'o/ /dge slong ma zhes bya ba ni chos
169b5 'di pa dag gi'o/ /rnyed pa zhes bya ba ni gzhan las so/ /brtad pa las byung ba'i gos zhes bya ba la brtad pa las byung ba'i gos lnga ste/ lnga gang zhe na/ 'ongs pa dang / 'gro bar chas pa dang / nad pa dang / nad g.yog dang /
169b6 dge bskos ma'o/ /gos zhes bya ba ni bdun po gang yang rung ba'o/ /'dod na zhes bya ba ni gal te don du gnyer na'o/ /gos sbyin pa'i dus su bcang bar bya'o zhes bya ba ni gos sbyin pa'i dus zhag bcu'i dgag dbye gang
169b7 yin pa'o/ /de las 'das par zhes bya ba ni de las lhag par ro/ /spang ba'i ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ gang yang dge slong mas dbyar gyi rnyed pa ci yang rung dbyar gyi
169b8 nang logs su 'ged pa dang / dgag dbye las 'das par 'chang na thams cad du spang ba'i ltung byed du 'gyur ro/ /gal te gos sbed pa'i dge slong ma bskos na ltung ba med do/ /spang ba'i ltung byed bcu bdun pa rdzogs s+ho// //
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa