| e-texts navigator |
| བོད་ཡིག |
15a1 lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa
15a2 na gzhi de gtong na de lta na legs/ gal te mi gtong na ltung byed do/ /yang dge slong ma gang shes bzhin du de skad zer ba'i gang zag chos bzhin du ma byas pa'i sdig pa can gyi lta ba'i rnam pa de dag ma spangs pa dang gtam 'dre bar byed/ phebs par
15a3 smra bar byed/ kun du gnas par byed/ kun tu longs spyod par byed cing de dag dang lhan cig gnas gcig tu nyal na ltung byed do/ /dge tshul ma zhig kyang 'di skad ces/ 'di ltar bcom ldan 'das kyis 'dod pa rnams ni bar du gcod pa'o zhes
15a4 gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge tshul ma de la dge slong ma rnams kyis 'di skad ces dge tshul ma khyod ji ltar
15a5 bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes ma zer cig /bcom
15a6 ldan 'das la skur pa ma 'debs shig / bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /dge tshul ma 'dod pas bar du gcod pa dag ni bar du gcod pa nyid do zhes
15a7 bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis dge tshul ma khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge tshul ma de la dge
15a8 slong ma rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /
iiif viewer powered by OpenSeadragon
Texts on this page
J4 - dge slong ma'i so sor thar ba'i mdo