rKTs

e-texts navigator

Volume

Page

158a₁ nor can nam/ tshong dpon nam/ ded dpon che ge mo zhig gis bskur ba lags kyis 'phags mas thugs brtse bas nye bar bzung ste/ gos kyi rin 'di dag bzhes su gsol zhes smra na/ dge slong ma des pho nya de la tshig 'di skad ces/
158a₂ tshe dang ldan pa pho nya dge slong ma rnams ni gos kyi rin dag len du rung ba ma yin pas kho mo cag ni gos rung ba dus su rnyed na ni len to zhes brjod par bya'o/ /gal te pho nya de dge slong ma de la 'di skad ces 'phags ma rnams kyi zhal ta bgyid pa/
158a₃ 'phags ma rnams kyi zhal ta nyams su len pa gang lags pa mchis sam zhes zer na/ dge slong ma gos 'dod pas pho nya 'di dag ni dge slong ma rnams kyis zhal ta nyams su len pa yin no zhes kun dga' ra ba pa 'am/ dge snyen zhal
158a₄ ta byed pa bstan par bya'o/ /de nas pho nya des zhal ta byed pa de ga na ba der 'gro bar bya ste/ son nas zhal ta byed pa la 'di skad ces/ tshe dang ldan pa zhal ta byed pa shes par gyis shig /dge slong ma 'di lta bu zhig gi ched du gos kyi
158a₅ rin 'di dag rgyal po 'am/ zhes bya ba nas/ ded dpon zhes bya ba'i bar gyis bskur ba yin gyis zhal ta byed pa khyod kyis gos kyi rin 'di dag gis gos 'di lta bu dang / 'di lta bu dag nyos la dge slong ma ming 'di zhes bya bas
158a₆ 'ongs dang / de la gos rung ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo/ yang dag par bstan nas dge slong ma de gang na der
158a₇ 'gro bar bya ste/ phyin nas dge slong ma de la 'di skad ces 'phags ma rnams kyi zhal ta bgyid pa bstan pa gang lags pa de la bdag gis yang dag par bstan lags kyis khyod de'i drung du bzhud cig dang /
158a₈ des khyod la gos rung ba dus su bskon par 'gyur ro/ /zhes brjod par bya'o/ /dge slong ma gos 'dod pas kyang zhal ta byed pa de ga ba na der 'gro bar bya ste/ song nas tshe dang ldan pa zhal ta byed pa kho mo gos 'dod do/ /

_{iiif viewer powered by OpenSeadragon}

157b - 158b

Texts on this page