| e-texts navigator |
| བོད་ཡིག |
14b1 khyod khyim dag tu 'dong dang / der khyod la bca' ba dang bza' ba bsod pa ji tsam 'dod pa sbyin du gzhug go zhes smras nas des de la sbyin du ma bcug par de'i 'og tu 'di skad ces 'phags ma kho mo la khyod dang lhan cig smra 'am 'dug pa bde ba
14b2 ma yin gyi/ 'di ltar kho mo gcig pu kho na smra 'am 'dug na bde bas khyod song shig ces zer na ltung byed do/ /yang dge slong ma gang mi na bar bdag nyid kyi phyir me la reg gam reg tu 'jug na ltung byed do/ /yang dge slong ma gang
14b3 d ge 'dun gyi bya ba chos dang ldan pa la dge slong ma la 'dun pa phul nas de'i 'og tu khros 'khrugs rngam par gyur te yid ma rangs nas spong ba'i chos su byed cing 'di skad ces dge slong ma 'dun pa phyir byin cig khyod la mi sbyin no zhes zer na
14b4 ltung byed do/ /yang dge slong ma gang zag bsnyen par ma rdzogs pa dang lhan cig nub gnyis las lhag par gnas gcig tu nyal na ltung byed do/ /yang dge slong ma gang 'di skad ces ji ltar bcom ldan 'das kyis bar du gcod pa'i chos su
14b5 gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na dge slong ma de la dge slong ma rnams kyis 'di skad ces 'phags ma dag ji ltar bcom
14b6 ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur
14b7 ba ma 'debs shig / bcom ldan 'das la skur bas legs par mi 'gyur ro/ /bcom ldan 'das ni de skad mi gsung ngo / /'phags ma bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du
14b8 mar gsungs te/ de dag bsten na bar du gcod par 'gyur gyis 'phags ma khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na gal te gzhi de gtong na de
iiif viewer powered by OpenSeadragon
Texts on this page
J4 - dge slong ma'i so sor thar ba'i mdo