rKTs

e-texts navigator

Volume

Page

141a₁ smras pa ni zhes bya ba ni bde ba la sbyar ba na'o/ /bdag nyid brjod par bya ba ma yin par byed na zhes bya ba ni de'i gdams ngag dang / bstan pa las bdag nyid gzhan du sel ba'o/ /phu nu mo dag kho mo la ci yang ma smra shig ces bya ba ni bdag
141a₂ nyid phyir zhing lhag par bka' blo mi bde ba la 'jog pa'o/ /dge yang rung zhes bya ba ni mi dge ba la 'jog pa'o/ /sdig kyang rung zhes bya ba ni sdig pa'i las mi slong ba'o/ /kho mo yang phu nu mo rnams la ci yang mi smra'o zhes bya ba ni bdag nyid phyir
141a₃ zhing lhag par gcig la gcig 'doms shing rjes su ston pa spong ba'o/ /dge yang rung bdag kyang phu nu mo dag la zhes bya ba ni dge ba la mi 'jog pa'o/ /sdig kyang rung bdag kyang phu nu mo dag la zhes bya ba ni sdig pa las mi slong ba'o/ /
141a₄ 'phags ma dag thong shig ces bya ba ni ring du 'or cig ces bya ba ste/ ci khyod cag ces bya ba ni rgyu 'di dag gis bdag gi rjes su ston par bskos sam zhes bya ba'o/ /dge slong ma de la zhes bya ba ni 'dun ma la'o/ /dge slong ma rnams
141a₅ kyis zhes bya ba ni chos 'di pa dag gis so/ /gzhi de gtong bar bya ba'i phyir zhes bya ba ni snga ma bzhin du'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni bzhams te bsgo bas ji ltar
141a₆ snga ma bzhin du bsgo ba na'o/ /de la bzhams te bsgo ba na gzhi de gtong na zhes bya ba'i bar snga ma bzhin no/ /de lta na legs shes bya ba ni de lta na bzang ba'o/ /gal te mi gtong na zhes bya ba ni gsol ba dang bzhi'i las kyis
141a₇ bsgo bas ji ltar snga ma bzhin du bsgo ba na'o/ /yang dag par bsgo ba de ni de yin no/ /chos 'di yang zhes bya ba ni chos ma yin pa 'di chos kyi sgrar gsungs pa'o/ /lan gsum gyi bar gyis 'byung ba dang bcas pa zhes bya ba ni
141a₈ 'byung bar 'os pa'o/ /dge 'dun lhag ma zhes bya ba ni ltung ba 'di dge 'dun sde gnyis la rag las pa yin/ dge 'dun sde gnyis la rton pa yin/ dge 'dun sde gnyis kyis de ltung ba las slong bar 'gyur gyis gang zag las ni ma yin

_{iiif viewer powered by OpenSeadragon}

140b - 141b

Texts on this page