| e-texts navigator |
| བོད་ཡིག |
139b1 par byed pa dang / gcig la gcig rjes su ston pa dang / gcig gis gcig ltung ba las slong ba de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'phel
139b2 bar 'gyur ro/ /'di ni gsol ba'o/ /las ni 'di ltar byas te/ 'phags ma'i dge 'dun phu nu mo dag bdag la gsan du gsol/ dge slong ma 'dun ma 'di la tshangs pa mtshungs par spyod pa/ don 'tshal ba/ phan par 'tshal
139b3 ba/ bde bar 'tshal ba/ reg par 'tshal ba/ grub pa dang bde bar 'tshal ba rnams kyis ltung ba shogs shig ces smras na/ de 'di skad ces phu nu mo dag dge yang rung sdig kyang rung kho mo la ci yang ma smra shig /kho mo yang
139b4 khyed cag la dge yang rung sdig kyang rung ci yang mi smra'o zhes mchi nas/ de la dge slong ma rab tu mang pos bzhams te bsgo ba na gzhi de nyid la nan gyis mchog tu bzung zhing mngon par zhen nas/ 'di nyid bden gyi/
139b5 gzhan ni brdzun pa'o zhes rjes su tha snyad 'dogs par bgyid kyis/ de'i slad du 'phags ma'i dge 'dun gyis dge slong ma 'dun ma la 'dun ma khyod la dge slong ma rnams kyis chos dang 'thun pa dang / 'dul ba dang 'thun
139b6 par smras pa na/ bdag nyid brjod par bya ba ma yin par ma byed par bdag nyid brjod par bya bar gyis shig /de ci'i phyir zhe na/ dge slong ma rnams kyis khyod la chos dang 'thun pa dang / 'dul ba dang 'thun par smras pa na/ khyod
139b7 kyis dge slong ma rnams la chos dang 'thun pa dang / 'dul ba dang 'thun par smra ba yin no/ /'di lta ste gcig la gcig brjod par byed pa dang / gcig la gcig rjes su ston pa dang / gcig gis gcig ltung ba las slong ba de lta bus
139b8 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'phel bar 'gyur ro zhes gsol ba dang bzhi'i las kyis bsgo ba mdzad na/ dge slong ma gang dge slong ma 'dun
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa