| e-texts navigator |
| བོད་ཡིག |
138b1 bde bar 'dod pa/ reg par 'dod pa/ grub pa dang bde bar 'dod pa rnams kyis smras pa/ 'dun ma khyod la ltung ba byung gis shogs shig /des de dag la 'di skad ces khyed cag dge yang rung sdig kyang rung kho mo la ci yang ma smra shig /
138b2 de ci'i phyir zhe na/ 'di ltar khyed cag ni rigs sna tshogs dang / rus sna tshogs dang / rgyud sna tshogs las rab tu byung ba dag yin te/ ji ltar ston ka'i dus na shing rnams kyi lo ma skya bo dag rlung gis bsdus nas gcig tu
138b3 sogs shing 'jog pa de bzhin du khyed cag kyang rigs sna tshogs dang / rus sna tshogs dang / rgyud sna tshogs las rab tu byung ba dag yin gyi/ kho mo'i 'phags pas ni byang chub mngon par sangs rgyas so zhes smras pa'i skabs de dge
138b4 slong ma rnams kyis dge slong dag la smras pa dang / dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong ma dag khyed kyis dge slong ma 'dun ma la bzhams te bsgo bar bya ste/ 'dun
138b5 ma khyod la dge slong ma don 'dod pa/ phan par 'dod pa bde bar 'dod pa/ reg par 'dod pa/ grub pa dang bde bar 'dod pa rnams kyis smras pa na/ bdag nyid brjod par bya ba ma yin par ma byed par bdag nyid brjod par gyis shig /
138b6 dge slong ma rnams kyang 'dun ma la chos dang 'thun pa dang / 'dul ba dang 'thun par smras/ khyod kyang dge slong ma rnams la chos dang 'thun pa dang / 'dul ba dang 'thun par smros shig /de ci'i phyir zhe na/ 'di lta ste/
138b7 gcig la gcig rjod par byed pa dang / gcig la gcig 'doms shing rjes su ston pa dang / gcig gis gcig ltung ba las slong ba de lta bus/ bcom ldan 'das de bzhin gshegs pa dgra bcom pa yang dag par
138b8 rdzogs pa'i sangs rgyas de'i 'khor 'phel bar 'gyur gyis/ 'dun ma khyod bdag nyid rjod par byed pa ma yin pa'i las kyi mtha' thong shig ces bsgo bar bya'o/ /de la dge slong ma rnams kyis bsgo ba na gzhi de nyid ces bya ba nas/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa