| e-texts navigator |
| བོད་ཡིག |
138a1 la zhes bya ba ni bcu gnyis sde dag go/ /kha cig ni skrod par mi byed ces bya ba ni de dag nyid kyis lhan cig gnas pa dang / nye gnas dag go/ /dge slong ma rnams kyis tshig 'di skad ces zhes bya ba ni phu nu mo dag 'dun pas 'gro ba
138a2 zhes bya ba'i tshig gi lam dang zhes bya ba nas/ 'jigs pas 'gro ba zhes bya ba'i bar gyi tshig gi lam 'or cig ces bya ba'o/ /dge slong ma de dag la dge slong ma rnams kyis de skad bsgo ba na gzhi de gtong na de lta na legs shes
138a3 bya ba ni de lta na bzang ba'o/ /gal te mi gtong na bzhams te bsgo bar bya'o zhes bya ba ni ji skad sngar bsgo ba bzhin bya ba'o/ /de dag la bzhams te bsgo ba na gzhi de gtong na de lta na legs/ gal te mi gtong na gsol ba dang
138a4 bzhi'i las kyis bsgo bar bya'o zhes bya ba ni ji skad sngar bsgo ba bzhin bya ba'o/ /yang dag par bsgo ba de ni de yin/ yang dag par bstan pa de ni de yin no/ /chos 'di yang zhes bya ba ni chos ma yin pa la chos kyis sgrar
138a5 gsungs pa'o/ /lan gsum gyi bar gyis 'byung bar 'os pa zhes bya ba ni ston pa dang bcas pa'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong mas ji tsam cung zad dge slong ma la
138a6 'di skad ces 'di na dge slong ma kha cig 'dun pas 'gro ba yod/ zhe sdang dang / gti mug dang / 'jigs pas 'gro ba yod do zhes smra na thams cad du nyes byas kyi ltung bar 'gyur ro/ /bzhams te bsgo ba na gzhi de gtong
138a7 na de lta na legs/ gal te mi gtong na sbom por 'gyur ro/ /gzhan ni gong ma ji lta ba de bzhin du brjod par bya'o/ /dge slong ma'i rnam par 'byed pa las dge 'dun lhag ma bcu dgu pa rdzogs s+ho// //
138a8 sangs rgyas bcom ldan 'das kau sham bi'i gdangs can gyi kun dga' ra ba na bzhugs so/ /de'i tshe kau sham bi na shAkya'i bu mo dge slong ma 'dun ma zhes bya ba la ltung ba byung nas/ de la tshangs pa mtshungs par spyod pa don 'dod pa/ phan par 'dod pa/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa