| e-texts navigator |
| བོད་ཡིག |
135a1 sde rnams kyis bsams pa/ bcom ldan 'das dang dge slong gi dge 'dun dang / dge slong ma'i dge 'dun la bzod pa gsol du 'dong ngo snyam mo/ /de nas bcu gnyis sde rnams mnyan yod ga la ba der rgyu zhing song ste/ mthar gyis
135a2 rgyu zhing 'gro ba na mnyan yod du phyin pa dang / dge slong ma rnams kyis dge slong ma bcu gnyis sde rnams mthong ngo / /mthong nas kyang bcom ldan 'das la gsol pa/ bcom ldan 'das bcu gnyis sde 'di rnams bskrad pa'i las bgyis na
135a3 bdag cag gis ji ltar bsgrub par bgyi/ mi smra bar bya zhing lag brdas gtsug lag khang tha ma bstan par bya'o/ /de rnams kyis de bzhin du byas so/ /de nas de dag gi lhan cig gnas pa dang / nye gnas de rnams kyang smra bar mi byed/ kun du
135a4 smra bar mi byed/ kun du dga' bar mi byed pa dang / de rnams kyis lhan cig gnas pa dang / nye gnas rnams la 'di skad ces smras so/ /phu nu mo dag gang khyed kyis ma smras ma brjod ma bskyod pa las nged kyis smras/ brjod bskyod pa ci
135a5 zhig yod kye dge slong ma'i gnas brtan gnas brtan rnams mi smra zhing kun du mi smra ba ni rung ste/ der zad na khyed ko ci'i phyir mi smra/ de rnams kyis dge slong ma dag bar du bzhag nas 'di skad ces smras so/ /ji skad zer ba de ni de lta yang
135a6 yin na 'on kyang bdag cag gis ni bshags par bya ba gang yin pa de yang bshags/ bsdam par bya ba gang yin pa de yang bsdams nas bdag cag gsol ba dang bzhi'i las kyi bar nyams su myong ngo / /de nas dge slong ma bcu gnyis
135a7 sde de dag gis dge slong ma gnas brtan gnas brtan rnams la 'di skad ces smras so/ /'di na dge slong ma kha cig 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dag yod de/
135a8 gang du ltung ba 'dra ba kho na las dge slong ma kha gcig ni skrod par byed/ kha gcig ni skrod par mi byed do/ /de nas dge slong ma rnams kyis dge slong ma bcu gnyis sde la smras pa/ su la 'dun pas 'gro ba'o zhes gshe/ de dag gis smras pa/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa