rKTs

e-texts navigator

Volume

Page

132a₁ bya ba ni rnam pa gnyis su bya ba'i phyir ro/ /zhugs te zhes bya ba ni brtson par byed pa'o/ /dbyen bya ba'i phyir zhes bya ba ni dbyen byed pa'i gzhi ni bcu bzhi ste/ chos sam chos ma yin pa 'am/ 'dul ba 'am/ 'dul ba ma
132a₂ yin pa 'am/ ltung ba 'am/ ltung ba ma yin pa 'am/ lhag ma yod pa 'am/ lhag ma med pa 'am/ lci ba 'am/ yang ba 'am/ bshags par bya ba 'am/ bsdam par bya ba 'am/ 'dul ba las 'gal ba 'am/ nyes par bshad par 'gyur ba ste/
132a₃ 'di dag las gang yang rung ba'i dngos po legs par rab tu shin du bzung ba yin no/ /rtsod pa zhes bya ba ni rtsod pa bzhi ste zhes bya ba nas bya ba'i phyir rtsod pa'i bar dag go/ /yang dag par blangs nas rab tu 'dzin cing zhes bya ba ni mngon par zhen nas so/ /
132a₄ dge slong ma de la dge slong ma rnams kyis zhes bya ba ni chos 'di pa rnams kyis so/ /bzhams te bsgo bar bya'o zhes bya ba ni sngar ji skad bsgo ba bzhin du'o/ /gal te dge slong ma rnams kyis bzhams te bsgo ba na gzhi de gtong na zhes bya ba ni lta ba de'o//
132a₅ gtong na de lta na ni legs zhes bya ba ni de lta na bzang ngo zhes bya ba'o/ /gal te mi gtong na zhes bya ba ni lta ba de'o/ /lan gnyis lan gsum gyi bar du yang dag par bsgo bar bya/ yang dag par bstan par bya zhes bya ba ni sngar gsol ba dang
132a₆ bzhi'i las kyis ji skad bsgo ba bzhin du ste/ 'di ni yang dag par gdams pa yin no/ /'di ni yang dag par bstan pa yin no/ /chos 'di yang zhes bya ba 'di ni chos ma yin pa la chos kyi sgrar gsungs pa'o/ /lan gsum pa la nges par
132a₇ 'byung bar bya ba ste zhes bya ba ni ston pa dang bcas pa'o/ /gzhan ni snga ma ji lta ba bzhin no/ /de la ltung bar ji ltar 'gyur zhe na/ dge slong ma dge 'dun dbye ba'i phyir zhugs pa gang ci yang rung ste thams cad du nyes byas kyis ltung
132a₈ bar 'gyur ro/ /bzhams te bsgo ba na gzhi de gtong na de lta na legs/ gal te mi gtong na nyes pa sbom po'o/ /gzhan ni snga ma ji lta bzhin du brjod par bya'o/ /dge slong ma'i rnam par 'byed pa las dge 'dun

_{iiif viewer powered by OpenSeadragon}

131b - 132b

Texts on this page