| e-texts navigator |
| བོད་ཡིག |
12a1 gos mi sbyin gyis phyir byin cig ces zer na dge slong ma de la lhag ma yod na de la phyir sbyin par bya zhing btang na spang ba'i ltung byed do/ /yang dge slong ma gang dge 'dun la bsngos pa'i rnyed pa shes bzhin du gang zag la sgyur du 'jug na spang ba'i ltung
12a2 byed do/ /bcom ldan 'das kyis dge slong ma na ba rnams la phan pa so sor bsten par bya ba'i sman gang dag bka' stsal pa 'di lta ste/ zhun mar dang / 'bru mar dang / bu ram dang / sbrang rtsi dang / bu ram gyi dbu ba de dag las dge slong ma na bas 'dod na rang gis zhag
12a3 bdun par byin gyis brlabs te gsog 'jog gis yongs su spyad pas yongs su longs spyod par bya'o/ /de las 'das par yongs su longs spyod par byed na spang ba'i ltung byed do/ /dge slong mas lhung bzed lhag pa zhag gcig gi bar du bcang bar bya'o/ /de las
12a4 'das par 'chang na spang ba'i ltung byed do/ /yang dge slong ma gang chos gos byin gyis brlab du rung ba nyi ma dang po la 'am zla ba phyed phyed cing byin gyis mi rlobs na spang ba'i ltung byed do/ /sdom la/ 'byin dang mi 'byin slong ba dang / /gos dang gos rgyu mal cha
12a5 rgyu/ /dbyar khang rgyu dang skye bo dang / /dge 'dun bcings bkrol lci yang ngo / /yang dge slong ma gang dus ma yin par sra brkyang 'byin na spang ba'i ltung byed do/ /yang dge slong ma gang dus su sra brkyang mi 'byin na spang ba'i ltung byed do/ /
12a6 yang dge slong ma gang bdag gi phyir mngon tshan can slong na spang ba'i ltung byed do/ /yang dge slong ma gang gzhan gyi ched du rnyed pa'i gos zas su byas te bza' ba'i phyir 'jog na spang ba'i ltung byed do/ /yang dge
12a7 slong ma gang gos kyi ched du rnyed pa gang yang rung ba zas su byas te bza' ba'i phyir 'jog na spang ba'i ltung byed do/ /yang dge slong ma gang mal cha'i ched du rnyed pa gang yang rung ba zas su byas te bza' ba'i phyir 'jog na spang ba'i ltung byed do/ /yang dge slong
12a8 ma gang dbyar khang gi ched du rnyed pa gang yang rung ba zas su byas te bza' ba'i phyir 'jog na spang ba'i ltung byed do/ /yang dge slong ma gang dge slong ma'i skye bo mang po'i phyir sbyor du bcug pa'i rnyed pa gang zag la yongs su sbyar na spang ba'i ltung byed do/ /
iiif viewer powered by OpenSeadragon
Texts on this page
J4 - dge slong ma'i so sor thar ba'i mdo