rKTs

e-texts navigator

Volume

Page

123b₁ gsol ba dang bzhi'i las kyis ji skad bsgo ba bzhin du byas na'o/ /gzhan ni snga ma bzhin no/ /de la ltung bar ji ltar 'gyur zhe na/ ji tsam du dge slong mas dge slong ma rnams la 'di skad ces/ 'dun pas 'gro'o zhes smras na nyes byas su 'gyur
123b₂ ro/ /zhe sdang gis 'gro'o zhes byas na nyes byas su 'gyur ro/ /gti mug gis 'gro'o zhes byas na nyes byas su 'gyur ro/ /'jigs pas 'gro'o zhes byas na nyes byas su 'gyur ro/ /gzhan ni lhag ma bcu gnyis po snga ma ji lta ba bzhin du
123b₃ brjod par bya'o/ /dge slong ma'i rnam par 'byed pa las dge 'dun lhag ma bcu bzhi pa rdzogs s+ho// // gleng gzhi ni mnyan yod na'o/ /de'i tshe na dge slong ma 'chi ltas dang / nye ba'i 'chi ltas gnyis 'dre bas gnas par byed do/ /de dag
123b₄ 'dre bas gnas pa na rgod pa dang / rtse ba dang / lus kyi tsab hral byed do/ /de gnyis shin du 'dre bas gnas par byed pa na dogs pa'i gnas su gyur te/ dge slong ma rnams dogs pa skyes nas/ dge slong ma rnams kyis de gnyis la phu nu
123b₅ mo khyod gnyis ha cang 'dre bas gnas par ma byed cig ces bsgo ba na/ de gnyis de kho na bzhin du 'dre bas gnas par byed pa'i skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /
123b₆ bcom ldan 'das kyis bka' stsal pa/ dge slong ma khyed 'dre bas gnas par ma byed cig /de ci'i phyir zhe na/ khyed 'dre bas gnas par byed na dge ba'i chos rnams mi 'phel zhing 'grib pa nyid du 'gyur bar rig par bya'o/ /dge slong ma khyod mi
123b₇ 'dre bas gnas par gyis shig / de ci'i phyir zhe na/ khyod cag rnams mi 'dre bas gnas par byed na dge ba'i chos rnams mi 'grib cing 'phel ba nyid du 'gyur bar rig par bya'o zhes bka' stsal pa na/ dge slong ma rnams kyis de gnyis la 'dre
123b₈ bar ma byed cig ces bsgo na yang de kho na bzhin du 'dre zhing gnas par 'gyur ba'i skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /bcom ldan 'das kyis bka' stsal pa/

_{iiif viewer powered by OpenSeadragon}

123a - 124a

Texts on this page