rKTs

e-texts navigator

Volume

Page

122a₁ bsgo ba na gzhi de gtong ba de lta na legs zhes bya ba ni de lta na bzang ba'o/ /ji ste gtong bar mi byed na zhes bya ba ni sdig pa can gyi lta bar gyur pa de'o/ /lan gnyis lan gsum gyi bar du yang dag par bsgo yang
122a₂ dag par bstan pa zhes bya ba ni sngar gsol ba dang bzhi'i las kyis ji skad bsgo ba bzhin du'o/ /de la ltung bar ji ltar 'gyur zhe na/ dge slong ma gang 'thab pa na khros nas 'di skad ces/ re shig shAkya'i bu'i dge sbyong 'di
122a₃ dag 'ba' shig tshul khrims dang ldan pa/ yon tan dang ldan pa ma yin gyi/ dge sbyong gzhan yang tshul khrims dang ldan pa/ yon tan dang ldan pa yod pas de dag gi drung du tshangs par spyod pa spyad par zad kyis sangs rgyas gtong ngo / /chos dang /
122a₄ dge 'dun gtong ngo zhes zer na ji ltar yang rung ste thams cad du nyes byas su 'gyur ro/ /bzhams te bsgo ba na gal te gzhi de gtong na de lta na legs ji ste gtong bar mi byed na nyes pa sbom por 'gyur ro/ /las dang po'i tshig brjod pa ma
122a₅ rdzogs par gal te gtong na de lta na legs/ ji ste gtong bar mi byed la tshig rdzogs par byed na nyes pa sbom por 'gyur ro/ /las gnyis pa'i tshig brjod pa ma rdzogs par gal te gtong ba de lta na legs/ ji ste gtong bar mi byed la tshig rdzogs
122a₆ par gyur na nyes pa sbom por 'gyur ro/ /las gsum pa'i tshig brjod pa yang ma rdzogs la 'thun pas chos ma yin par byas pa dang / mi mthun pas chos ma yin par byas pa dang / mi mthun pas chos bzhin du byas pa dang / chos ji lta ba dang 'dul ba ji
122a₇ lta ba dang / ston pas bstan pa ji lta ba bzhin du ma byas na ltung ba med do/ /las gsum pa'i tshig brjod pa yang rdzogs la chos ji lta ba dang / 'dul ba ji lta ba dang / ston pas bstan pa ji lta ba de bzhin du byas kyang gzhi de gtong bar
122a₈ mi byed na dge 'dun lhag mar 'gyur ro/ /dge slong ma des stan de nyid la 'dug bzhin du 'di skad ces 'phags ma dag bdag la dge 'dun lhag ma byung ngo zhes bya ba'i tshig smra bar byed pa de lta na legs/ ji ste smra bar mi byed na

_{iiif viewer powered by OpenSeadragon}

121b - 122b

Texts on this page