rKTs

e-texts navigator

Volume

Page

11a₁ rnams kyi zhal ta bgyid pa 'phags ma rnams kyi zhal ta nyams su len pa gang lags pa 'ga' mchis sam zhes zer na/ dge slong ma gos 'dod pas pho nya 'di ni dge slong ma rnams kyi zhal ta byed pa ste/ 'di ni dge slong ma rnams kyi zhal ta
11a₂ nyams su len pa'o zhes kun dga' ra ba pa 'am/ dge bsnyen zhal ta byed pa bstan par bya'o/ /de nas pho nya des gos kyi rin dag khyer nas zhal ta byed pa ga la ba der 'gro bar bya zhing phyin nas zhal ta byed pa de la 'di skad ces tshe dang ldan pa zhal ta byed pa shes par
11a₃ gyis shig / khyed kyis gos kyi rin 'di dag gis gos 'di dang 'di lta bu zhig nyos la dge slong ma ming 'di zhes bya ba 'ongs pa dang / de la gos rung ba dus su skon cig ces brjod par bya'o/ /de nas pho nya des zhal ta byed pa de la shin du legs par yang dag
11a₄ par bsgo zhing yang dag par bstan nas/ dge slong ma ga la der 'gro bar bya zhing phyin nas dge slong ma de la 'di skad ces/ 'phags mas zhal ta bgyid pa bstan pa gang lags pa de la bdag gis yang dag par bstan lags kyis de'i gan du bzhud cig dang / des
11a₅ khyod la gos rung ba dus su skon par 'gyur ro zhes brjod par bya'o/ /dge slong ma gos 'dod pas zhal ta byed pa'i gan du song la tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do/ /zhes lan gnyis lan
11a₆ gsum du bskul bar bya dran par bya'o/ /lan gnyis lan gsum du bskul zhing dran par byas pa na gal te gos de grub na de lta na legs/ gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o/ /lan bzhi
11a₇ lan lnga lan drug gi bar du phyogs su cang mi smra bar bsdad pa na gal te gos grub na de lta na legs/ gal te ma grub na de ni de'i 'og tu gos sgrub pa'i phyir rtsal te gos grub na spang ba'i ltung byed do/ /gal te ma grub na phyogs gang na gos kyi rin de dag
11a₈ 'ongs pa der bdag 'gro bar bya'o/ /yang na yid brtan pa'i pho nya las tshe dang ldan pa dag gis dge slong ma che ge mo'i phyir gos kyi rin bskur ba de dag ni dge slong ma de'i don ci yang ma grub kyis shes par gyis shig /tshe dang ldan pa dag gis rang gi nor chud

_{iiif viewer powered by OpenSeadragon}

10b - 11b

Texts on this page