rKTs

e-texts navigator

Volume

Page

117b₁ 'di skad ces smras so/ /bzhin bzangs bud med ni rnyed pa chung ba yin gyis bdag la yang cung zad cig byin cig /des 'di skad ces smras so/ /'phags ma khyod ci'i slad du ches sngar ma byon/ bdag 'gum par 'gyur ba 'dra nas
117b₂ bdag gis thams cad 'jig rten pha rol du bskyal lags so/ /des 'di skad ces smras so/ /mtshar byas te cang mi nyes par lo brgyar 'tsho bar 'gyur ro/ /des 'di skad ces smras so/ /'phags ma chags rgya bzhed dam/ des 'di skad ces smras so/ /bzhin bzangs gal
117b₃ te byin par gyur na'o/ /de nas des de la byin no/ /des chags rgya blangs nas khyim bdag gzhan ga la ba der song ste phyin nas khyim bdag de la 'di skad ces smras so/ /bzhin bzangs 'di cung zhig lhogs/ des blags so/ /blags nas kyang
117b₄ 'di skad ces 'di 'phags ma khyod mnga' 'am/ des smras pa/ bdag dbang ngo / /bdag gis dbul bar bgyi'o/ /de nas sbom dga' mos khyim bdag de bzung nas gal te khyod kyis 'di nga la ma byin par 'gro na rgyal po'i pho brang du dbul
117b₅ lo zhes byas pa dang / de yang der 'dug go/ /de'i grogs po zhig 'ongs nas des de la 'di skad ces smras so/ /'di na ci byed/ des smras pa kho bo bu lon ded pas bzung ngo / /bu lon ded pa su yin/ des 'di skad ces smras so/ /dge slong
117b₆ ma'o/ /des smras pa/ khyod kyis 'jig rten na gzhan las ci yang mi rnyed dam ci na dge slong ma las len/ de nas bram ze dang khyim bdag rnams gang gi phyir chags rgya yang len par byed pas shAkya'i bu'i dge sbyong ma rnams kyi dge sbyong
117b₇ gi tshul ni tshig pa'o/ /zhes 'phya bar byed/ smod par byed/ phyar ka gtong par byed pa'i skabs de dge slong ma rnams kyis dge slong dag la smras so/ /dge slong dag gis kyang bcom ldan 'das la gsol to/ /de nas bcom ldan 'das kyis byung ba 'di dang
117b₈ zhes bya ba nas bslab pa bcas pa'i bar du'o/ /yang dge slong ma gang chags rgya len par byed na chos 'di yang dang po nyid kyis ltung bar 'gyur la nges par 'byung ba dang bcas pa ste dge 'dun lhag mar 'gyur ro/ /yang dge slong ma gang

_{iiif viewer powered by OpenSeadragon}

117a - 118a

Texts on this page