| e-texts navigator |
| བོད་ཡིག |
114b1 des smras pa/ spos 'tshong gi khye'u gang yin pa rdog pa gcig bsnun pas rtsib ma gnyis bcag pa khyed cag gis ma mthong ngam/ de dag gis smras pa/ chu rdza chu'i don du khron par bcug pa rtag tu mkhrang por mi ldog go/ /de nas dge slong ma rnams
114b2 kyis dge slong dag la smras so zhes bya ba nas bslab pa bcas pa'i bar du'o/ /yang dge slong ma gang nyin par gcig pu phyi rol du gnas par byed na chos 'di yang dang po nyid kyis ltung bar 'gyur la/ nges par 'byung ba dang bcas pa ste/ dge 'dun
114b3 lhag mar 'gyur ro/ /dge slong ma gang zhes bya ba ni sbom dga' mo'o/ /nyin par zhes bya ba ni nyi ma shar nas so/ /gcig pu zhes bya ba ni gnyis pa med par ro/ /phyi rol tu gnas par byed na zhes bya ba ni dbyar khang las gzhan du nyi ma nub par
114b4 byed na'o/ /gzhan ni snga ma bzhin no/ /de la ltung bar ji ltar 'gyur zhe na/ dge slong ma nyin par gcig pu phyi rol du gnas par byed na ji ltar yang rung ste/ thams cad du dge 'dun lhag mar 'gyur ro/ /dge tshul ma dang lhan cig phyi rol du
114b5 gnas par byed na nyes pa sbom por 'gyur ro/ /dge slong ma dang phyi rol du lhan cig gnas par byed na nyes byas so/ /gal te phyi bzhin 'brang ba'i dge sbyong ma shi bar gyur tam/ nyams par gyur tam/ bros par gyur tam/ babs par gyur na
114b6 ltung ba med do/ /dge slong ma'i rnam par 'byed pa las dge 'dun lhag ma bdun pa rdzogs s+ho// // gleng gzhi ni mnyan yod na'o/ /de nas sbom dga' mo gcig pu lam po
114b7 che'i bzhi mdo dag tu 'dug nas don 'thun thams cad chas nas lam du zhugs te grong khyer chen po gang dang gang du 'gro ba'i grong khyer chen po de dang der rgyang grags dang rgyang grags phyed tsam du 'gro bar byed cing ldog par yang byed do/ /de
114b8 bzhin du ji tsam na nyi ma nub pa na dbyar khang du 'ongs nas gzhon rabs dag la 'di skad ces smras so/ /da bdag gi rgyab rdzis shig /bdag gi rked pa dang / rtsib logs rdzis shig /de dag gis 'di skad ces smras so/ /'phags ma gar
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa