| e-texts navigator |
| བོད་ཡིག |
113b1 dge slong ma la 'di skad ces khyod tshur ma chags par gyur nas skyes pa chags pa las cung zad long la bdag gir gyis shig ces zer na thams cad du dge 'dun lhag mar 'gyur ro/ /dge slong ma'i rnam par 'byed pa las dge 'dun lhag ma lnga
113b2 pa rdzogs s+ho/ / //dge slong ma'i 'dul ba rnam par 'byed pa/ bam po dgu pa/ sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /gang gi tshe dge slong ma mdza' mo rang
113b3 gis khas blangs pas bsnyil ba de'i tshe skyes pas blangs nas khyim gyi 'tsho tshis byed du bcug cing de dang rtse bar byed pa na bu dang bu mo dag kyang skyes so/ /de dus gzhan zhig na nad kyis thebs pa dang / de'i phu nu mo dge slong ma mdza' can
113b4 ma zhes bya bas de nad kyis thebs par thos nas blta ba'i phyir gcig pu song ste des de la bltas nas slar log go/ /de nas mdza' mos phu nu mo la 'di skad ces 'phags ma gal te na bdag do mod 'gum yang gangs ma bzhud par 'dir
113b5 bzhugs shig ces smras pa dang / de yang der 'dug go/ /de nas mdza' mo yang de nyid kyi nub mo dus las 'das so/ /de nas mdza' mo'i khyos mya ngan bya bar brtsams pa dang / de'i grogs po zhig gis smras pa/ 'di ni de'i phu nu mo mdza' can
113b6 ma zhes bya ba yin gyis de nyid blangs par gyis shig / de nas mdza' mo'i khyos mdza' can ma la 'di skad ces smras so/ /gal te mdza' can ma spro na khyim 'di dang / mdza' mo'i bu dang / bu mo dag yongs su skyongs shig /mdza' can ma 'di snyam du gal te
113b7 'dir cung zad cig smras na de nyid du bdag brtul zhugs dang phral bar 'gyur bas mi smra bar bya'o snyam du bsams nas nam nangs pa dang de 'gro bar byas so/ /de nas skyes pa des mdza' can ma la 'di skad ces smras so/ /'phags ma khyim 'di khyod kyi
113b8 lags kyis ma bzhud cig / des 'di skad ces smras so/ /khyod kyi khyim btson rar gyur cig /khyod kyi khyim mes tshig par gyur cig smras nas song ngo / /de la dge slong ma rnams kyis khyod mdang gsum ga la nyal nyal zhes dris pa dang / des smras pa/
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa