| e-texts navigator |
| བོད་ཡིག |
109b1 mdog kyang mthong nas cha 'dis brgal to zhes smras so/ /skabs de dge slong rnams kyis bcom ldan 'das la gsol nas gang gi tshe bcom ldan 'das kyis dge slong rnams la bslab pa'i gzhi bca' bar mdzad pa de'i tshe dge slong ma rnams
109b2 kyis cha des ut+pa la'i mdog la brgal to/ /skabs de dge slong ma rnams kyis dge slong dag la smras so/ /dge slong rnams kyis kyang bcom ldan 'das la gsol to/ /de nas bcom ldan 'das kyis byung ba 'di dang zhes bya ba nas bslab pa bcas pa'i bar
109b3 du'o/ /yang dge slong ma gang khros shing zhe sdang ma spangs pas ci nas kyang 'di tshangs par spyod pa dang dbral lo snyam nas dge slong ma dag pa ltung ba med pa la rtsod pa gzhan gyi cha ma yin pa'i cha cung zad tsam gyis chos 'ga' zhig blangs nas dge slong ma phas pham pa ma
109b4 byung ba la phas pham pa'i chos kyis skur pa las de yang dus gzhan zhig na dris kyang rung ma dris kyang rung rtsod pa de nyid kyang gzhan gyi cha ma yin zhing / rtsod pa de yang gzhan gyi cha ma yin pa'i cha cung zad tsam gyi chos 'ga' zhig blangs par gyur la dge
109b5 slong ma zhe sdang la gnas pas zhe sdang gis smras so zhe na/ chos 'di dang po nyid kyis ltung bar 'gyur la/ nges par 'byung ba dang bcas pa ste dge 'dun lhag mar 'gyur ro/ /yang dge slong ma gang zhes bya ba ni mdza' mo'o/ /khros shing
109b6 zhes bya ba'i bar ni snga ma bzhin no/ /rtsod pa zhes bya ba ni rtsod pa bzhi po rnams te snga ma bzhin no/ /gzhan gyi cha ma yin pa zhes bya ba la/ gzhan zhes bya ba ni mya ngan las 'das pa'o/ /de'i cha ma yin pa ni phas pham par 'gyur ba'i chos
109b7 brgyad po dag go/ /cha cung zad tsam zhes bya ba ni ri dgas dang / ri dgas mo dag lta bu'o/ /chos shes bya ba ni chos ma yin pa la chos kyi sgrar gsungs pa'o/ /blangs nas zhes bya ba ni bzung nas so/ /dge slong ma phas pham pa ma byung ba la zhes bya ba ni
109b8 ut+pa la'i mdog go/ /phas pham pa'i chos shes bya ba ni phas pham pa brgyad po gang yang rung bas so/ /skur pa las zhes bya ba ni skur pa btab pa las so zhes bya ba nas gzhi med pa'i bslab pa'i gzhi ji lta ba bzhin du thams cad snga ma bzhin
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa