rKTs

e-texts navigator

Volume

Page

103a₁ bsod pa dag sbyin par gzhon rabs rnams te/ de ltar tshul de lta bus dge slong rnams zas la sko bar byed do/ /gang dge slong glo bur ba gang yin pa de dag nyi ma dang po la ni bsod pa sbyin pa dag tu'o/ /nyi ma gnyis pa la ni 'bring sbyin pa dag
103a₂ tu'o/ /nyi ma gsum pa la ni ngan pa sbyin pa dag tu sko bar byed cing / nyi ma bzhi pa la ni lam srang gi spyod yul la mkhas par byed do/ /des rim par blags pa de bzhin du dge 'dun rnams zas la bkod pa na rgan rims ji lta ba bzhin dang rim par
103a₃ blags pa ji lta ba bzhin du thod rgal med par gyur to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong gnas mal 'bogs pa rnams dang / zas la bsko ba rnams kyi nang na gyad
103a₄ bu nor 'di mchog yin no/ /de'i tshe dge slong mdza' bo dang / sa las skyes gnyis ljongs rgyu zhing 'gro ba na rim gyis rgyal po'i khab tu phyin pa dang / tshe dang ldan pa gyad bu nor gyis de gnyis kyi gnas mal dang gnas khang yang bskos so/ /de nas nam nangs pa
103a₅ dang mdza' bo dang / sa las skyes kyis 'di skad ces smras so/ /tshe dang ldan pa dag zas las sko ba su yod/ dge slong zhig gis de gnyis la smras pa/ gyad bu nor yin no/ /de gnyis kyis tshe dang ldan pa gyad bu nor la 'di skad ces smras so/ /gyad bu nor
103a₆ bdag cag gi zas skos shig / de nas tshe dang ldan pa gyad bu nor gyis de gnyis nyi ma dang po la zas bsod pa sbyin pa dag tu bskos so/ /de nas mdza' bo dang / sa las skyes snga dro chos gos bgos/ lhung bzed thogs nas sbyin bdag gi khyim
103a₇ gang na bar dong ngo / /khyim bdag de yang bu gcig pa sdug pa/ yid du 'ong ba shi bas de bu shi ba'i mya ngan gyis gdungs pa'i phyir dge slong gi zas bsham pa ma byas so/ /de gnyis kyis kyang ma brtags par 'ongs pa khyim bdag gis mthong ngo / /mthong
103a₈ nas kyang khyim mi rnams la smras pa/ dge slong dag gi phyir zas bshams pa cung zas lta yod dam/ de dag gis smras pa/ ma mchis so/ /des 'di snyam du re shig bu shi ba 'di yang phung byas pa gcig yin na/ gnyis pa go ci'i phyir byas snyam du bsam

_{iiif viewer powered by OpenSeadragon}

102b - 103b

Texts on this page