rKTs

e-texts navigator

Volume

Page

101a₁ par bsko bar bgyi'o zhes bya ba'i bar du ste 'di ni gsol ba'o/ /de'i 'og tu las ji lta ba bzhin du bya'o gang gi tshe gyad bu nor dge 'dun gyi gnas mal 'bogs par bskos pa de'i tshe/ gnas mal gzhan du bsko bar brtsams te/ des mdo sde 'dzin pa rnams dang /
101a₂ mdo sde 'dzin pa rnams su lhan cig /'dul ba 'dzin pa rnams dang 'dul ba 'dzin pa rnams su lhan cig /ma mo 'dzin pa rnams dang ma mo 'dzin pa rnams su lhan cig /glo bur ba rnams dang glo bur ba rnams su lhan cig rnal 'byor spyod pa rnams dang rnal
101a₃ 'byor spyod pa rnams su lhan cig / gang dag rgyun du zhugs pa'i 'bras bu thob pa de dag ni lan cig phyir 'ong ba rnams dang lhan cig tu bkod/ gang dag lan cig phyir 'ong ba'i 'bras bu thob pa de dag ni phyir mi 'ong ba rnams dang lhan cig /phyir mi 'ong ba rnams ni dgra
101a₄ b com
101a₅ pa rnams dang lhan cig ste/ de ltar dge slong de rnams lhag par phan tshun du 'bel ba'i gtam rnam par gtan la dbab pa dang / dge ba'i phyogs 'phel bar 'gyur pa de ltar gnas mal 'thun pa gzhan dang gzhan du bskos so/ /de'i tshe na tshe dang ldan pa gyad
101a₆ bu nor rdzu 'phrul gyis gnas mal 'bogs par byed do/ /gang dag mtshan mo sngar 'ong ba de dag la ni sor mo gcig las 'od sbar te gnas mal 'bogs par byed do/ /gang dag mtshan mo ches phyis 'ong ba de dag la sor mo gnyis las 'od sbar te 'bogs
101a₇ par byed do/ /de bzhin du gsum pa dang / bzhi pa dang / lnga pa las 'od sbar te zhes bya ba'i bar du'o/ /de nas dge slong de dag 'di snyam du 'di ni chos dang ldan pas las byed pa yin te zhes bya ba nas/ khong du chud pa ni khong du ma chud par 'gyur/ khong du chud pa ni lhag par
101a₈ khyad par du khong du chud par gyur to/ /de ltar byas pa na 'di ltar tshe dang ldan pa gyad bu nor gyis rdzu 'phrul gyi cho 'phrul bstan te gnas mal 'bogs par byed ces phyogs bzhi dag tu de'i sgra grags par gyur to/ /de'i tshe gang dag ngo mtshar du gyur pa de dag
101a₉ gis ni mngon sum du bya ba'i phyir nyin par 'ongs nas 'od ma'i tshal gyi nyen kor du 'dug ste nyi ma nub pa dang mtshan mo 'ong bar byed do/ /de rnams la yang tshe dang ldan pa des de bzhin du rdzu 'phrul gyi chos 'phrul bstan nas gnas mal 'bogs par byed do/ /

_{iiif viewer powered by OpenSeadragon}

100b - 101b

Texts on this page