| e-texts navigator |
| བོད་ཡིག |
100b1 ra'i me tog ltar shin du mthong bar dka' ba yin pas bu de bzhin gshegs pa dgra bcom pa yang dag par rdzogs pa'i sangs rgyas la blta bar gyis shig / de nas tshe dang ldan pa gyad bu nor mkhan pos rjes su gnang bas ne'u ldangs mkhan po
100b2 gcig pa rnams dang lhan cig tu bcom ldan 'das gang na ba der dong ngo / /de'i tshe na bcom ldan 'das 'khor brgya phrag du ma la chos ston te/ bcom ldan 'das kyis gyad bu nor rgyang ring po kho na nas 'ongs ba gzigs so/ /gzigs nas kyang gyad
100b3 bu nor la bka' stsal pa/ gyad bu nor tshur shog /'ongs pa legs so/ /khyod dus su phyin to zhes bka' stsal to/ /de'i tshe na gnas mal mi mthun par 'bog par byed do/ /mdo sde 'dzin pa rnams dang 'dul ba 'dzin pa rnams su lhan cig /
100b4 mdo sde 'dzin pa dang / ma mo 'dzin pa rnams su lhan cig /'dul ba 'dzin pa rnams dang / mdo sde 'dzin pa rnams su lhan cig 'dul ba 'dzin pa dang ma mo 'dzin pa rnams su lhan cig ces bya ba nas de bzhin du mu gsum la yang sbyar bar bya'o/ /
100b5 de nas bcom ldan 'das kyis 'di snyam du gyad bu nor 'di ni sngon gyi sangs rgyas rnams la kye ma'o bdag bcom ldan 'das kyi gnas mal 'ged pa dang kha zas la bsko ba'i mchog tu gyur cig ces smon lam btab pas zhes bya ba'i bar nas bcom ldan 'das
100b6 kyis bka' stsal pa/ gnas mal 'bog pa chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na 'dun pas 'gro ba dang zhe sdang gis 'gro ba dang / gti mug gis 'gro ba dang 'jigs pas 'gro ba dang /
100b7 gnas mal phog pa dang ma phog par mi shes pa'o/ /dkar po'i phyogs ni de las bzlog par bya'o/ /de nas bcom ldan 'das kyis dge slong rnams la bka' stsal pa/ dge slong dag gyad bu nor gnas mal 'bogs par bsko bar bya'o zhes bya ba nas/ gnas mal bshams pa
100b8 byas nas las bya ste/ dge 'dun btsun pa rnams gsan du gsol/ gyad bu nor 'di dge 'dun gyis gnas mal 'bog par spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang gyad bu nor dge 'dun gyi gnas mal 'bogs
iiif viewer powered by OpenSeadragon
Texts on this page
J5 - dge slong ma'i 'dul ba rnam par 'byed pa