| e-texts navigator |
| བོད་ཡིག |
52b1 'am/ bdun tsam spong bar byed do/ /gang gi phyir sems can de dag sdig pa can dam pa ma yin pa'i chos de la shin du sdang bar byed pas brtul zhugs la zhugs pa de'i phyir de dag khyim rtsig pa la zhugs te/ bdag cag gis
52b2 'dir bya ba ma yin pa bya'o/ /bdag cag gis 'dir bya ba ma yin pa bya'o/ /zhes zer ba las khyim khyim zhes bya ba'i ming byung ngo / /dge slong dag 'di ni khyim gyi las kyi mtha' dag 'jig rten du 'byung ba'i dang po rtsom pa yin te/ de yang
52b3 chos kyis yin gyi chos ma yin pas ni ma yin no/ /de la chos ni 'di yin te rgyal ba dbang po rnams kyi chos mchog yin no/ /dge slong dag de la de'i tshe de'i dus na gang gis de'i dang por sems can sun phyung bar gyur pa'i
52b4 sems can gang yin pa de ni ka lan da ka'i bu bzang byin yin te/ 'dis de'i tshe yang 'jig rten skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ngo / /'dis da ltar yang dge slong
52b5 gi dge 'dun skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ngo / /dge slong dag de lta bas na 'di ltar bslab par bya ste/ 'dod chags spang ba'i phyir 'bad par bya'o/ /zhe sdang spang
52b6 ba'i phyir dang / gti mug spang ba'i phyir 'bad par bya ste/ dge slong dag khyed kyis de ltar bslab par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba med do/ /
52b7 pham par 'gyur ba dang po rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na sngon rdza mkhan dge slong nor can rgyal po'i
52b8 khab na dgon pa'i spyil bu na gnas so/ /de nas sngon rdza mkhan dge slong nor can rgyal po'i khab tu spyod yul du zhugs pa dang / rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag
iiif viewer powered by OpenSeadragon
Texts on this page
J3 - 'dul ba rnam par 'byed pa