| e-texts navigator |
| བོད་ཡིག |
52a1 dag la dbang po tha dad pa byung bar gyur te/ kha cig ni pho'i dbang po dang ldan/ kha cig ni mo'i dbang po dang ldan no/ /de na gang dag pho'i dbang po dang ldan pa dang / gang dag mo'i dbang po dang ldan pa de dag gcig la gcig mig gis
52a2 mig la brten te lta bar byed do/ /ji lta ji ltar gcig la gcig mig gis mig la brten te lta bar byed pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar log
52a3 par zhugs so/ /sems can gzhan dag gis kyang sems can sems can la log par zhugs pa mthong ngo / /mthong nas sas kyang 'thor bar byed/ bong ba dang / gseg ma dang / gyo mo dang / gyo dum dag kyang 'phen par byed cing / 'di
52a4 skad ces sems can ngan pa grong pa bya ba ma yin pa byed/ sems can ngan pa grong pa bya ba ma yin pa byed pa/ kwa'e sems can khyod ci'i phyir sems can sun par byed ces kyang zer te/ 'di lta ste/ dper na deng sang sems can dag
52a5 bag sar bag mar len pa na phye mas kyang 'thor bar byed dri dang me tog dang / 'bras yos dag gis kyang 'thor bar byed cing / 'di skad ces sru bde bar gyur cig ces kyang zer ba de bzhin du sems can de dag gis kyang sems
52a6 can sems can la log par zhugs pa mthong nas sas kyang 'thor bar byed/ bong ba dang / gseg ma dang / gyo mo dang / gyo dum dag kyang 'phen par byed cing 'di skad ces sems can ngan pa grong pa bya ba ma yin pa byed pa/
52a7 sems can ngan pa grong pa bya ba ma yin pa byed pa/ kwa'i sems can khyod ci'i phyir sems can sun par byed ces kyang zer ro/ /dge slong dag de ltar na sngon chos ma yin par grags pa gang yin pa de ni deng sang chos su grags
52a8 la/ sngon 'dul ba ma yin par grags pa gang yin pa de ni deng sang 'dul bar grags/ sngon smad par bya ba gang yin pa de ni deng sang bstod par bya ba yin no/ /de nyi ma gcig tsam spong bar byed/ nyi ma gnyis sam/ gsum
iiif viewer powered by OpenSeadragon
Texts on this page
J3 - 'dul ba rnam par 'byed pa