| e-texts navigator |
| བོད་ཡིག |
50a1 ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ /de'i tshe 'jig rten du nyi ma dang / zla ba dag kyang ma
50a2 byung ngo / /'jig rten du rgyu skar dag kyang ma byung / mtshan mo dang / nyin mo dag kyang ma byung / skad cig dang / thang cig dang / yud tsam dag kyang ma byung / zla ba dang / zla ba phyed dang / dus
50a3 tshigs dang / lo dag kyang ma byung ngo / /bud med kyang med/ skyes pa yang med de/ sems can sems can zhes bya ba 'ba' zhig gi grangs su 'gro'o/ /de nas sems can brkam pa'i rang bzhin can
50a4 zhig gi sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur
50a5 to/ /sems can gzhan dag gis kyang sems can de sor mo'i rtse mos sa'i bcud myang bar byed pa na/ ji lta ji ltar myang bar byed pa de lta de ltar 'dod par byed pa dang / ji lta ji ltar 'dod par byed pa
50a6 de lta de ltar kham kyi zas kyi rtsom pas zos par gyur pa mthong ngo / /mthong nas sems can de dag kyang sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par
50a7 byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ /gang gi phyir sems can de dag gis sa'i bcud kham gyi zas kyi rtsom pas zos
50a8 par gyur pa de'i phyir de dag gi lus la sra ba nyid dang lci ba nyid byung zhing de dag gi kha dog gsal ba bzang po gang yin pa de yang med par gyur/ 'jig rten du mun pa yang byung bar gyur to/ /dge slong dag chos nyid
iiif viewer powered by OpenSeadragon
Texts on this page
J3 - 'dul ba rnam par 'byed pa