| e-texts navigator |
| བོད་ཡིག |
49a1 ldan 'das la zhus pa/ btsun pa gal te dge slong 'di re shig 'dod pa las 'dod chags dang bral ba lags na ci'i slad du de'i yan lag gi rnam pa las su rung bar gyur/ bcom ldan 'das kyis
49a2 bka' stsal pa/ dge slong dag 'dod chags dang ma bral ba'i yan lag gi rnam pa ni rgyu lngas las su rung bar 'gyur la/ 'dod chags dang bral ba'i ni rgyu bzhis so/ /'dod chags dang ma bral ba'i rgyu lnga
49a3 gang zhe na/ bshang bas nye bar non pa dang / gci bas nye bar non pa dang / rlung gis nye bar non pa dang / srog chags ud tsa ting gas zin pa dang / 'dod pa la 'dod chags kyis kun nas dkris pa nyid ni lnga pa ste/ 'dod
49a4 chags dang ma bral ba ni rgyu lnga po de dag gis so/ /'dod chags dang bral ba'i rgyu bzhi po gang zhe na/ bshang bas nye bar non pa dang / gci bas nye bar non pa dang / rlung gis nye bar non pa dang / srog chags ud tsa ting
49a5 gas zin pa ste/ 'dod chags dang bral ba'i rgyu ni bzhi po de dag gis so/ /dge slong 'di'i yan lag gi rnam pa ni de'i tshe na srogs chags ud tsa ting gas zin pas des na 'di'i las su rung bar gyur to// //'dul
49a6 ba rnam par 'byed pa/ bam po gsum pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ka lan da ka'i bu tshe dang ldan
49a7 pa bzang byin gyis dge slong gi dge 'dun skyon ma mchis shing chu bur ma mchis pa la de'i dang por 'di lta ste/ mi tshangs par spyod pa'i rkyen gyis chu bur phyung ba la gzigs/ bcom ldan 'das kyis bka' stsal pa/ dge
49a8 slong dag da ltar du ma zad kyi 'di ltar 'das pa'i dus na yang 'dis 'jig rten skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ba ste de nyon cig /dge slong dag 'jig
iiif viewer powered by OpenSeadragon
Texts on this page
J3 - 'dul ba rnam par 'byed pa