rKTs

e-texts navigator

Volume

Page

47b₁ mtha' pa'i kun du spyod pa'i chos dag bca' bar bya ste/ dge slong grong mtha' pa nyin par glos phab ste gnyid log pas sgo sgo gtan gyis gcad par bya ba 'am/ srungs ma dge slong gzhag par bya ba 'am/ gos bcing bar bya'o/ /sgo sgo gtan gyis gcod par mi byed dam/
47b₂ srungs ma dge slong 'jog par mi byed dam gos 'ching bar mi byed par nyin par de bzhin du glos phab ste gnyid log par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na
47b₃ bzhugs so/ /mnyan yod na dge slong dgon pa pa bsam gtan bzhi pa thob pa zhig 'dug pa de yang dang yang du bcom ldan 'das dang / dge slong gnas brtan rnams kyi zhabs la phyag bya ba'i phyir nye bar 'gro bas de dge slong gsar bu gsar bu dag gis
47b₄ ngo shes par byas so/ /de la dus gzhan zhig na g.yan pa'i nad byung nas de la dge slong gsar bu gsar bu de dag gis smras pa/ gnas brtan khyod la g.yan pa'i snyun byung ngam/ des smras pa/ bzhin bzang dag de de bzhin no/ /de dag gis smras pa/
47b₅ gnas brtan ci'i slad du sman pa la rmas te bya ba mi mdzad/ des smras pa/ bzhin bzangs dag skye bo mang po mi 'dod pa dang / skye bo mang po mi dga' ba dang / skye bo mang po la mi sdug pa dang / skye bo mang po'i yid du mi 'ong ba 'jig rten thams cad dang
47b₆ thun mong ba 'di lta ste/ 'chi ba zhes bya ba'i chos de 'ong bar 'gyur zhing des nad 'di dang kho bo yang 'jig rten 'di nas 'jig rten pha rol tu khrid par 'gyur bas bya ba byar ci yod/ de dag gis smras pa/ gnas brtan 'o na bcom ldan 'das kyis skyes bu gang zag tshul
47b₇ khrims dang ldan pa yun ring po ji srid du 'tsho ba de srid du bsod nams mang po 'phel zhing ji srid du bsod nams mang po 'phel ba de srid du yun ring por mtho ris dag tu dga' bar 'gyur ro zhes ma gsungs sam/ bzhud la bya ba mdzod cig /de de dag
47b₈ gis nan gyis mnan pa na sman pa'i gan du song ba dang / sman pas de mthong nas smras pa/ 'phags pa khyod la g.yan pa'i snyun byung ngam/ des smras pa/ bzhin bzangs de bzhin te/ de'i don kho nar kho bo 'ongs kyis bdag la sman ston cig /

_{iiif viewer powered by OpenSeadragon}

47a - 48a

Texts on this page