| e-texts navigator |
| བོད་ཡིག |
47a1 byung ngo / /tshogs can ma rgan mo yang 'jug cing rgan mos bu mo de dag mthong nas smras pa/ khyed cag ci la rgod gang bsti gnas su rgod pa de so sto mar 'gyur ro zhes bya ba khyed kyis ma thos sam/ bu mo de dag cang mi smra ba
47a2 nyid du byung ste dong ngo / /tshogs can ma rgan mos bu mo de dag gis 'dir bya gag 'am/ spre'u zhig mthong bar gyur gor ma chag snyam du shes shing rig nas sems gtod cing nges par rtog bzhin du zhugs pa dang / ji tsam na dge slong de de ltar rnam
47a3 par gyur pa mthong ngo / /mthong nas kyang de la 'dod pa'i chos skyes nas tshogs can ma rgan mo des dge slong de'i steng du bgrad de brtsal bar brtsams pa dang / dge slong de gnyid stug pos non pas phyir ma sad do/ /tshogs can ma rgan mos bdag cag
47a4 tshogs can ma dag gis ni sgyu rtsal drug cu rtsa bzhi mngon par shes na rab tu byung ba 'dis ko sgyu rtsal drug cu rtsa lnga shes te 'di ltar reg pa ni bdag gir byed la tshig ni mi ster to snyam du shes shing rig nas/ gang gi tshe tshogs can ma rgan mo des kun nas
47a5 dkris pa dang bral bar gyur pa de'i tshe dge slong de sad par byas te smras pa/ 'phags pa bdag gi sdum pa phyogs ga ge mo zhig na mchis kyis/ gal te yang bzhed par gyur na spyon cig /dge slong des smras pa/ skal chad ma bsti gnas sun par byed
47a6 pa de yang re shig kho bo bdag gir mi byed na/ khyod kyi khyim du 'ong bar 'gyur re skan/ dge slong de bdag la pham par 'gyur ba'i ltung ba ma byung ngam snyam du 'gyod pa skyes nas des dge slong rnams la skabs de rgyas par brjod do/ /dge slong rnams kyis
47a7 bcom ldan 'das la gsol pa dang / de nas bcom ldan 'das kyis dge slong de la bka' stsal pa/ dge slong khyod kyis reg pa bdag gir ma byas sam/ des gsol pa/ btsun pa bdag gis reg pa bdag gir ma bgyis te/ bdag dang po nyid nas
47a8 gnyid stug pos non pas reg pa bdag gir bgyid par ga la 'gyur/ de nas bcom ldan 'das kyis dge slong rnams la bka' stsal pa/ dge slong dag dge slong reg pa bdag gir ma byas pa 'di la ni ltung ba med mod kyi/ 'on kyang ngas dge slong grong
iiif viewer powered by OpenSeadragon
Texts on this page
J3 - 'dul ba rnam par 'byed pa