rKTs

e-texts navigator

Volume

Page

45a₁ bsod snyoms blangs te song ngo / /ji tsam na bcom ldan 'das 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /zhe sdang 'dod chags dang bral bar
45a₂ bya ba'i phyir dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /bcom ldan 'das ji lta ji ltar 'dod chags 'dod chags dang bral bar bya ba'i phyir sems
45a₃ rnam par grol ba dang / shes rab rnam par grol ba'i chos ston pa dang / zhe sdang 'dod chags dang bral bar bya ba'i phyir dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol
45a₄ ba'i chos ston pa de lta de ltar tshe dang ldan pa mdzes dga' cung zad 'gyod par gyur rnam par 'gyod par gyur/ rab tu 'gyod par gyur cing 'dug la/ 'gyod pa dang ldan/ 'gyod pa thob cing cang mi smra bar gyur/ yul yul
45a₅ por gyur/ phrag pa klod/ gdong smad/ spob pa med/ sems khongs su chud cing 'dam bu sngon por brngas pa rnyings par 'gyur/ skam par 'gyur ba ltar 'dug go/ /dge slong rnams kyis de la smras pa/ tshe dang ldan pa
45a₆ mdzes dga' khyod la lus kyi gnod pa 'am/ sems kyi yongs su gdung ba 'ga' zhig med dam/ de ngo tsha bas smra bar mi byed cing 'ga' yang med do zhes zer ro/ /sman pa zhig phyogs der 'ongs pa de la dge slong rnams kyis
45a₇ smras pa/ bzhin bzangs gzhon nu 'di nad ci yin pa de ltos shig /sman pa des de brtag par brtsams pa dang / dbang po gsal ba mthong nas smras pa/ 'phags pa dag 'di'i dbang po dag gsal bas 'di la lus kyi
45a₈ nad ni 'ga' yang ma mchis kyi/ 'di la sems kyi yongs su gdung ba ni gor ma bkum par mchis so/ /dge slong rnams kyis smras pa/ bzhin bzangs 'di'i sems kyi yongs su gdung ba ji lta bu yin/ sman pas

_{iiif viewer powered by OpenSeadragon}

44b - 45b

Texts on this page