| e-texts navigator |
| བོད་ཡིག |
39b1 rtsen grogs kyi ma ma gnyis la rjes su gtad do/ /de ma ma brgyad po de dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed
39b2 cing rdzing na gnas pa'i pad ma bzhin du myur du skyed par byed do/ /gang gi tshe chen por gyur pa de'i tshe yi ge dang / grangs dang / rtsis dang / dbyung ba dang / gzhug pa dang / gzhag pa la nye bar zhugs nas/ de yi ge'i mthar phyin cing 'byed
39b3 pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang /
39b4 bud med brtag pa dang / skyes pa brtag pa la mkhas par gyur to/ /phas de'i chung ma'i 'khor gsum po rab dang / 'bring dang / tha ma dag rnam par bzhag go/ /'dug pa'i gnas gsum po dgun gyi dang / dpyid kyi dang / dbyar
39b5 gyi dag byed du bcug go/ /bskyed mos tshal gsum po dgun gyi dang / dpyid kyi dang / dbyar gyi dag byed du bcug go/ /de steng gi khang bzangs kyi gzhir gtogs pa na skyes pa med par sil snyan gyis rtse bar byed/ dga' bar
39b6 byed/ dga' mgur spyod par byed do/ /ded dpon dga' bo rtag tu rtsis la chags shing 'du ba dang / 'god pa dag kyang sbyong bar byed nas mdzes dgas smras pa/ yab khyod ci'i slad du rtag tu rtsis la chags shing bzhugs/ des
39b7 smras pa/ bu ci steng gi khang bzangs kyi gzhir gtogs pa na rtse ba nyid kyis nor bsgrub par byar nus sam/ nga khyim gyi bya ba los kyang bsam dgos so/ /mdzes dgas don gyis 'dis bdag la bskul to snyam du rig nas/
39b8 des de'i rkang pa gnyis la gtugs te smras pa/ yab gal te de ltar rjes su gnang na yul gzhan du mchis la nor bsgrub par bgyi'o/ /des smras pa/ bu nor gyi rnam pa mang po yod na ci'i phyir yul gzhan du 'gro/ 'dug shig /
iiif viewer powered by OpenSeadragon
Texts on this page
J3 - 'dul ba rnam par 'byed pa