| e-texts navigator |
| བོད་ཡིག |
38b1 yin te/ gal te de ltar 'gyur du zin na re re la yang 'di lta ste/ dper na 'khor los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du gyur pa las bu dang / bu mo dag skye bar 'gyur te/
38b2 gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las bu dang bu mo
38b3 dag skye bar 'gyur ro/ /de de ltar gsol ba 'debs pa lhur len cing 'dug pa na sems can zhig kyang lha'i ris nas shi 'phos te de'i skye dgu'i bdag mo'i mngal du zhugs so/ /bud med kyi yul mkhas pa'i rang bzhin can la la
38b4 la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas
38b5 pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na ni dku g.yon par rten cing 'dug pa'o/ /de yid dga' zhing yid dga' nas khyim thab la smras pa/ rje'i
38b6 sras bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur gyis dgyes pa bskyed du gsol/ de yang yid dga' zhing yid dga' nas ro stod bsrang ste/ lag pa
38b7 g.yas pa brkyangs nas 'di skad ces kho bo yun ring po nas mngon par 'dod pa bu'i ngo mthong ba dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod
38b8 pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu 'am mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes pa der 'gro zhing rjes su
iiif viewer powered by OpenSeadragon
Texts on this page
J3 - 'dul ba rnam par 'byed pa