| e-texts navigator |
| བོད་ཡིག |
38a1 'khod do/ /mtha' gcig tu 'khod nas/ bcom ldan 'das la dge slong rab tu mang po dag gis skabs de rgyas par gsol pa dang / bcom ldan 'das kyis bka' stsal pa/ dge slong dag ngas re shig gzhan
38a2 gyi la yang bkag na rang gi la lta smos kyang ci dgos te/ mi gti mug can de ni pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la
38a3 gzhol ba dang / sten pa la 'bab pa dang / sten pa la bab pas rang gi yan lag gi rnam pa las su rung bar byas te/ rang gi 'am/ gzhan gyi bshang ba'i lam du bcug nas rtsol bar byed na bcug ma thag tu pham par
38a4 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ de'i tshe na 'phags rgyal na ded dpon dga' bo zhes bya ba phyug pa/ nor mang ba/ longs
38a5 spyod che ba/ yongs su gzungs ba yangs shing rgya che ba/ rnam thos kyi bu'i nor dang ldan pa rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/
38a6 dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu yang med bu mo yang med nas/ de bu med cing bu mngon par 'dod pas zhi ba dang / chu lha dang / lus ngan dang
38a7 brgya byin dang / tshangs pa la sogs pa dag la gsol ba 'debs shing / lha'i bye brag gzhan 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / gtor ma len pa'i lha dag dang / lhan cig skyes
38a8 pa dag dang / chos 'thun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dag dang / bu mo dag skye'o zhes bya ba'i gtam de lta bu yod de/ de ni de lta ma
iiif viewer powered by OpenSeadragon
Texts on this page
J3 - 'dul ba rnam par 'byed pa