| e-texts navigator |
| བོད་ཡིག |
37a1 yang mi byed/ phyir zlog par yang mi byed cing / mngon par bstod par yang ma byas/ phyir bzlog par yang ma byas par dong nas/ bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo
37a2 bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis skabs de rgyas par gsol pa dang / bcom ldan 'das kyis bka' stsal pa/ dge slong dag ngas re
37a3 shig gzhan gyi la yang bkag na rang gi la lta smos kyang ci dgos te mi gti mug can de ni pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa
37a4 la gzhol ba dang / sten pa 'bab pa dang / sten pa la bab pas rang gi yan lag gi rnam pa las su rung bar byas te rang gi 'am/ gzhan gyi khar bcug nas rtsol bar byed na bcug ma thag tu pham par 'gyur ro/ /sangs rgyas bcom ldan
37a5 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga'
37a6 mgur spyod par byed do/ /dus gzhan zhig na rtse bar byed/ dga' bar byed/ dga' mgur spyod par byed pa de'i chung ma la sems can zhugs par gyur nas/ de zla ba brgyad dam/ dgu 'das te btsas pa las khye'u yan lag gi rnam pa
37a7 tshad las shin tu 'das pa zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u yi ming cir gdags shes ming 'dogs par byed do/ /de dag 'di
37a8 snyam du sems te/ gang gi phyir khye'u 'di'i yan lag gi rnam pa tshad las shin du 'das pa de'i phyir khye'u 'di 'phyang ba can zhes bya'o zhes de'i ming 'phyang ba can zhes bya bar btags so/ /de 'o ma dang / zho dang / mar dang / zhun
iiif viewer powered by OpenSeadragon
Texts on this page
J3 - 'dul ba rnam par 'byed pa