| e-texts navigator |
| བོད་ཡིག |
36b1 du sems te/ gang gi phyir khye'u 'di'i rgyab 'di lta ste/ dper na ri bong ngam/ byi la'i ltar mnyen pa dang / shin tu mnyen pa de'i phyir/ khye'u 'i ming rgyab mnyen zhes bya'o/ /zhes de'i ming rgyab mnyen zhes bya bar btags so/ /de 'o
36b2 ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por
36b3 gyur pa de'i tshe legs par gsungs pa'i chos 'dul ba la rab tu byung ngo / /de de ltar rab tu byung nas de snga dro sham thabs bgos/ chos gos dang lhung bzed thogs te/ grong ngam/ grong rdal gang na nye bar rten cing gnas pa'i grong
36b4 ngam/ grong rdal de nyid du lus ma srungs/ dbang po dag ma bsdams/ dran pa nye bar ma bzhag par bsod snyoms la zhugs so/ /des grong ngam/ grong rdal de nyid du bsod snyoms la brgyus nas zas kyi bya ba byas te/ phyi
36b5 ma'i zas kyi bsod snyoms las phyir log pas lhung bzed dang chos gos khos su phab nas rkang pa gnyis bkrus te/ nang du yang dag 'jog gi phyir gnas su zhugs so/ /de'i sems gang gi tshe 'dod pa la 'dod chags
36b6 kyis kun nas bkris par gyur pa de'i tshe des rang gi yan lag gi rnam pa las su rung bar byas te/ rang gi khar bcug nas rtsol ba byed do/ /de nas dus gzhan zhig na dge slong rab tu mang po gnas nyul zhing rgyu ba dag dge slong
36b7 de'i gnas ga la ba der phyin pa dang / dge slong de dag gis dge slong de de ltar byed pa mthong ngo / /mthong nas kyang yid mi dga' zhing mngon par ma mgu nas dge slong de la 'di skad ces smras so/ /tshe dang ldan pa ci byed/ reg pa bdag
36b8 gir byed do/ /tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste/ de ni gzhan gyi la yin gyi rang gi la ni ma yin no/ /dge slong de dag de la mngon par bstod par
iiif viewer powered by OpenSeadragon
Texts on this page
J3 - 'dul ba rnam par 'byed pa