| e-texts navigator |
| བོད་ཡིག |
32b1 dge sbyong gi tshul yongs su gtong 'dod pa na dge slong gi drung du song ste/ 'di skad ces tshe dang ldan pa mkhyen par mdzod cig /tshangs par spyod pa spyad dka'o/ /rab tu dben par bya dka'o/ /gcig pu nyid la mngon par dga' ba dka'o/ /gnas
32b2 mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /pha ma dang / phu nu dang / bu sring dran no/ /bdag bzo dag slob tu chug shig bdag
32b3 gis las kyi mtha' dag tshol cig / bdag khyim bzang po dag tu gtod cig ces de ltar de la 'dod pa 'am/ mngon par mi dga' ba 'am/ rnam par 'khyam 'dod cing dge sbyong gi tshul mi 'dod pa 'am/ dge sbyong gi tshul gyis sgyid
32b4 lug pa 'am/ mus byung ba 'am/ the tshom za ba 'am/ smod pa 'am/ dge sbyong gi tshul yongs su gtong 'dod pa'i ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi
32b5 las dang / ngag gi rnam par rig byed gang yin pa dag ni rjod par byed la/ 'di skad ces tshe dang ldan pa dgongs su gsol/ bdag ming 'di zhes bgyi ba bslab pa 'bul lo/ /zhe 'am sangs rgyas dang / chos dang / dge 'dun 'bul lo zhe
32b6 'am/ mdo sde dang / 'dul ba dang / ma mo 'bul lo zhe 'am/ mkhan po dang / slob dpon 'bul lo zhe 'am/ bdag khyim pa 'am/ dge tshul lam/ za ma 'am/ ma ning ngam/ dge slong ma sun phyung ba 'am/ ma bsad pa 'am/ pha bsad pa 'am/
32b7 dgra bcom pa bsad pa 'am/ dge 'dun gyi dbyen byas pa 'am/ de bzhin gshegs pa la ngan sems kyis khrag phyung ba 'am/ mu stegs can nam/ mu stegs can zhugs pa 'am/ rku thabs su gnas pa 'am/ tha dad par gnas pa 'am/
32b8 gnas par mi bya bar gzung du gsol zhe 'am/ tha na 'di skad ces bdag khyod lta bu chos 'thun pa tshangs pa mtshungs par spyod pa dag gis chog go zhes ni mi zer ba ste/ de ltar na bslab pa nyams par byas la bslab pa ma phul ba yin no/ /
iiif viewer powered by OpenSeadragon
Texts on this page
J3 - 'dul ba rnam par 'byed pa