rKTs

e-texts navigator

Volume

Page

31a₁ slong zhes bya'o/ /nyon mongs pa bcom pa'i phyir dge slong gang zhe na/ gang gi zag pa kun nas nyon mongs par byed pa/ yang srid par byed pa/ rims nad dang bcas pa/ rnam par smin pa sdug bsngal ba/ phyi ma la skye ba dang rga
31a₂ ba dang / 'chi bar 'gyur ba gang dag yin pa de dag spangs pa dang / yongs su shes pa dang / rtsa ba nas bcad pa dang / shing ta la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i phyir dge
31a₃ slong zhes bya'o/ /don 'dir ni gsol ba dang / bzhi'i las mi g.yo ba gzhag par mi 'os pas bsnyen par rdzogs pa gang yin pa de dge slong du dgongs te/ des na yang dge slong gang zhes gsungs so/ /dge slong rnams dang lhan cig ces bya
31a₄ ba ni de las gzhan pa chos 'thun pa tshangs pa mtshungs par spyod pa rnams dang ngo / /bslab pa mtshungs par gyur pas shes bya ba ni bslab pa gang la bsnyen par rdzogs nas lo brgya lon pa'i dge slong gis bslab par bya ba de la deng bsnyen
31a₅ par rdzogs pas kyang / deng bsnyen par rdzogs pas gang la bslab par bya ba de la bsnyen par rdzogs nas lo brgya lon pas kyang ngo zhes 'di la tshul khrims nyid kyis mnyam pa dang / bslab pa nyid kyis mnyam pa dang / so sor thar pa'i mdo gdon pa nyid kyis mnyam
31a₆ pa gang yin pa de ni bslab pa mtshungs par gyur pas shes bya ste/ de na bslab pa mtshungs par gyur pas shes gsungs so/ /bslab pa ma phul zhes bya ba la/ ji tsam gyis na bslab pa ma phul ba yin zhe na/ 'di lta ste/ dge
31a₇ slong khros shing khro ba'i zil gyis non pas bslab pa 'bul na bslab pa ma phul bar brjod par bya'o/ /smyos pa dang / sems 'khrugs pa dang / tshor ba dag gis nyen pas bslab pa 'bul na bslab pa ma phul bar brjod par bya'o/ /smyon
31a₈ pa la bslab pa 'bul na bslab pa ma phul bar brjod par bya'o/ /sems 'khrugs pa dang / tshor ba dag gis nyen pa la bslab pa 'bul na bslab pa ma phul bar brjod par bya'o/ /glen pa dang / lkug pa dang / 'on pa la bslab pa 'bul na

_{iiif viewer powered by OpenSeadragon}

30b - 31b

Texts on this page