rKTs

e-texts navigator

Volume

Page

30a₁ mo de khros 'khrugs rngam par gyur cing yid mi dga' nas/ dge slong de'i gdong dang / sna dang chos gos rkang pa'i sen mo dag gis mngon par brad de mtha' gcig tu song nas ngu ru ru zer zhing khyi tshugs su 'dug go/ /de nas dge slong de dag gis dge slong de la 'di skad
30a₂ ces smras so/ /tshe dang ldan pa ci'i phyir dgon pa'i spra mo 'di khyod kyi gdong du rnam par lta bar byed/ ro smad stobs par byed nas khyod 'di lta ste/ kho bo cag la ngo tsha bas de zlog par byed/ ci'i phyir dgon pa'i spra mo 'di lan gnyis lan gsum du khyod kyi gdong
30a₃ du rnam par lta bar byed/ ro smad stobs par byed nas khyod 'di lta ste/ kho bo cag la ngo tsha bas de zlog par byed/ 'on kyang dgon pa'i spra mo 'di khyod la khros 'khrugs rngam par gyur cing yid mi dga' nas khyod kyi gdong dang / sna dang chos gos rkang pa'i sen mo
30a₄ dag gis mngon par brad de mtha' gcig tu song nas ngu ru ru zer zhing khyi tshugs su 'dug / des skabs de dge slong de dag la rgyas par brjod do/ /de skad ces smras pa dang / dge slong de dag gis dge slong de la 'di skad ces smras so/ /tshe dang ldan pa 'o na
30a₅ bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste/ de yang mi nyid la yin gyi dud 'gror skyes pa la ni ma yin no/ /dge slong de dag de la mngon par bstod par yang mi byed/ phyir zlog par mi byed cing mngon
30a₆ par bstod par yang ma byas/ phyir bzlog pa yang ma byas par stan dag las langs nas bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod
30a₇ nas bcom ldan 'das la dge slong rab tu mang po dag gis skabs de rgyas par gsol to/ /bcom ldan 'das kyis bka' stsal pa/ dge slong dag ngas re shig mi la yang bkag na dud 'gror skyes pa lta la ci smos te/ dge slong dag mi gti mug can de ni
30a₈ pham par gyur to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /sangs rgyas bcom ldan 'das rnams ni mkhyen bzhin du rmed par mdzad pas shes bya ba nas sangs rgyas

_{iiif viewer powered by OpenSeadragon}

29b - 30b

Texts on this page