rKTs

e-texts navigator

Volume

Page

29b₁ mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdams par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod
29b₂ pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par bya ba'i phyir nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge
29b₃ slong rnams dang lhan cig bslab pa mtshungs par gyur pas bslab pa ma phul/ bslab pa nyams par ma byas par mi tshangs par spyod pa 'khrig pa'i chos bsten na dge slong de pham par gyur pa yin gyis gnas par mi bya'o/ /zhes
29b₄ bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de'i tshe na dge slong zhig rgyal po'i
29b₅ khab na dgon pa'i spyil bu na 'dug go/ /de nas dge slong des dgon pa'i spra mo zhig zas kyis brngod brngod nas de dang lhan cig mi tshangs par spyod pa 'khrig pa'i chos bsten to/ /de nas dge slong rab tu mang po dag gnas nyul zhing
29b₆ rgyu ba na dge slong de'i spyil bu ga la ba der dong ste/ phyin nas dge slong de dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te/ mtha' gcig tu 'khod do/ /
29b₇ de nas spra mo de sngon gyi sdig pa can dam pa ma yin pa'i chos de nyid rjes su dran nas dge slong de ga la ba der song ste phyin nas/ dge slong de'i gdong du rnam par lta bar byed/ ro smad stobs par byed nas dge slong de 'di lta ste/ dge slong
29b₈ de dag la ngo tsha bas de zlog par byed do/ /spra mo de lan gnyis lan gsum du dge slong de'i gdong du rnam par lta bar byed/ ro smad stobs par byed nas/ dge slong de 'di lta ste dge slong de dag la ngo tsha ba/ lan gnyis lan gsum du de zlog par byed do de nas spra

_{iiif viewer powered by OpenSeadragon}

29a - 30a

Texts on this page