| e-texts navigator |
| བོད་ཡིག |
29a1 rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan par mi rmed pas/ sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin
29a2 no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis ka lan da ka'i bu tshe dang ldan pa bzang byin la rmas pa/ bzang byin khyod kyis mi mdzes pa de lta bu de byas
29a3 par gyur pa bden nam/ btsun pa mad do/ /sangs rgyas bcom ldan 'das kyis/ dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /
29a4 bzang byin ngas 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir
29a5 sems rnam par grol ba dang / shes rab rnam par grol ba'i chos bstan pa la khyod kyis ci'i phyir mi mdzes pa de lta bu de byas par gyur mi gti mug can khyod kyis sbrul nag po dug myur du khyab pa/ dug drag pa/ dug rno ba'i khar rang gi yan
29a6 lag gi rnam pa bcug par gyur pa ni bla'i/ de ltar gyur pas bud med kyi yul la ni ma yin no zhes rnam par smad pa mdzad do/ /de nas bcom ldan 'das kyis rnams grangs du mas rnam par smad nas dge slong rnams la
29a7 bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par
29a8 bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad pa'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams
iiif viewer powered by OpenSeadragon
Texts on this page
J3 - 'dul ba rnam par 'byed pa