| e-texts navigator |
| བོད་ཡིག |
27b1 rjes su spel zhing legs par gsungs pa'i chos 'dul ba la skra dang kha spu bregs te/ gos ngur smrig dag bgos nas yang dag pa kho nar dad pas/ khyim nas khyim med par rab tu byung ngo / /de de ltar rab tu byung nas gcig pu dben pa
27b2 bag yod pa brtun pa dang ldan pa bdag nyid gtang bar gnas so/ /gcig pu dben pa bag yod pa brtun pa dang ldan pa bdag nyid btang bar gnas pa na/ rigs kyi bu dag gang gi phyir skra dang kha spu bregs te gos ngur smrig dag bgos
27b3 nas yang dag pa kho nar dad pas khyim nas khyim med par rab tu byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs
27b4 par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du
27b5 mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur
27b6 sti la rgyab kyis phyogs pa/ dbang po dang / nye dbang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa sa bon pas dgra bcom pa thob cing
27b7 rnam par grol ba'i dga' ba dang bde ba so sor yang dag par rig pa na/ de'i tshe tshigs su bcad pa smras pa/ chos rnams las ni skal ba thob/ /yab kyi dkor gyis bdag mi gtong / /bdag gis ha cang 'phyi nas shes/ /
27b8 bdag ni chung ngus shin tu 'das/ /de'i tshe na bcom ldan 'das dge slong gi 'khor brgya phrag du ma'i mdun na bzhugs shing nyan thos rnams la/ 'dod chags 'dod chags dang bral bar bya ba'i phyir sems rnam par grol ba dang /
iiif viewer powered by OpenSeadragon
Texts on this page
J3 - 'dul ba rnam par 'byed pa