| e-texts navigator |
| བོད་ཡིག |
27a1 nyi shu gcig tu btsas pa'i btsas ston rgya cher byas nas khye'u 'i ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di sa bon gyi chos la brten te rnyed pa de'i
27a2 phyir khye'u 'i ming sa bon pa zhes bya'o zhes de'i ming sa bon pa zhes bya bar btags so/ /khye'u sa bon pa ma ma brgyad po pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'phyi ba'i ma ma gnyis dang /
27a3 rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi bye brag gtso bo gtso bo dag gis sring bar byed
27a4 skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar
27a5 zhugs nas de yi ge'i mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa
27a6 dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /de dus gzhan zhig na sangs rgyas la mngon par dad/ chos dang dge 'dun la mngon par dad/
27a7 sangs rgyas la skyabs su song / chos dang / dge 'dun la skyabs su song zhing des srog gcod pa spangs te/ srog gcod pa las phyir log /ma byin par len pa dang / 'dod pa la log par g.yem pa dang / brdzun du
27a8 smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang myos par 'gyur ba bag med pa'i gnas las phyir log go/ /de pha las byung ba'i dad pa snga ma de nyid
iiif viewer powered by OpenSeadragon
Texts on this page
J3 - 'dul ba rnam par 'byed pa