| e-texts navigator |
| བོད་ཡིག |
26b1 mchis pas nges par khye'ur 'gyur ro/ /de yang yid dga' zhing yid dga' nas 'di skad ces/ kho mo yun ring po nas mngon par dad pa'i tsha bo ngo mthong ba dang / kho mo dang 'thun par skye zhing mi mthun par mi skye ba dang / kho mo'i
26b2 bya ba dag byed pa dang / gsos pas phyir gso ba dang / bgo skal la spyod pa dang / kho mo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu 'am/ mang po yang rung ba'i sbyin
26b3 pa dag sbyin zhing bsod nams kyang byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du brjod par byed do/ /de la sems can
26b4 zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzang gi gzhir gtogs par grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas
26b5 ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba
26b6 rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'u dang / shod kyi sa gzhir mi 'bab pa dang /
26b7 des sgra yid du mi 'ong ba cung zad kyang mi thos par gnod pa med pa nyid du rim gro byed du 'jug go/ /de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa/ gsal ba/
26b8 gser gyi mdog 'dra ba/ mgo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba zhig byung ngo / /de'i nye du dag 'dus shing lhags nas nyi ma bdun gsum
iiif viewer powered by OpenSeadragon
Texts on this page
J3 - 'dul ba rnam par 'byed pa