rKTs

e-texts navigator

Volume

Page

25b₁ nyid na dga' ba dang / yid du 'ong bar gyur pa de lta bu'i bsku mnyes bsku mnye byas/ de lta bu'i khrus kyis khrus byas/ de lta bu'i dri dang / phreng ba rgyu dang / bdug spos dang / phye ma dang / gos dang / rgyan dag gis brgyan nas ka lan da ka'i
25b₂ bu tshe dang ldan pa bzang byin gyi ma ga la ba der song ste phyin nas/ ka lan da ka'i bu tshe dang ldan pa bzang byin gyi ma la 'di skad ces smras so/ /yum ngan bu 'di 'dra na bdag gis ci zhig bgyi/ de nas ka lan da ka'i bu tshe dang ldan pa bzang byin gyi
25b₃ ma mna' ma dang shing rta gcig tu zhugs te ka lan da ka'i grong nas byung nas ka lan da ka'i bu tshe dang ldan pa bzang byin gyi gnas ga la ba der song ste phyin nas bzhon pa'i sa ji srid pa de srid du bzhon pas song ste/ bzhon pa las babs nas/
25b₄ rkang pa dag kho nas ka lan da ka'i bu tshe dang ldan pa bzang byin gyi drung du song ngo / /de'i tshe na ka lan da ka'i bu tshe dang ldan pa bzang byin gnas kyi phyi rol bla gab med pa'i 'chag sa na 'chags so/ /ka lan da ka'i bu tshe dang ldan pa bzang byin gyi
25b₅ mas ka lan da ka'i bu tshe dang ldan pa bzang byin thag ring po kho na nas mthong ngo / /mthong nas kyang ka lan da ka'i bu tshe dang ldan pa bzang byin ga la ba der song ste phyin nas ka lan da ka'i bu tshe dang ldan pa bzang byin la 'di skad ces smras so/ /
25b₆ bu bzang byin gal te khyod mi 'dod pa 'am/ mngon par mi dga' ba 'am/ rnam par 'khyam 'dod par mi 'gyur zhing / dge sbyong gi tshul don du mi gnyer ba ma yin pa 'am/ dge sbyong gi tshul gyis sgyid lug pa ma yin pa 'am/ mus byung ba
25b₇ ma yin pa 'am/ the tshom za ba ma yin pa 'am/ smod pa ma yin pa 'am/ khyod dge sbyong gi tshul yongs su gtong 'dod pa ma yin pa lta na/ bu khyod kyi bag sar 'di dus la bab cing zla mtshan dang ldan par gyur gyis 'di la sa bon gyi chos
25b₈ cung zhig rjes su byin cig / khyod la bu med pa'i phyir dbang ba'i rdzas thams cad de bzhin du 'am/ ji ltar yang rung bas rgyal pos dbang du byas par gyur na mi rung ngo / /de nas ka lan da ka'i bu tshe dang ldan pa bzang byin gyis sngar bslab pa'i

_{iiif viewer powered by OpenSeadragon}

25a - 26a

Texts on this page