| e-texts navigator |
| བོད་ཡིག |
429b1 kyis ma yin no/ /kun dga' bo/ mir 'gyur ba rnyed pa ni rnyed par dka'o/ /dkon mchog gsum la dad cing gus pa yang rnyed par dka'o/ /de bzhin gshegs pa de'i mtshan thos pa yang
429b2 rnyed par shin tu dka'o/ /kun dga' bo/ bcom ldan 'das de bzhin gshegs pa sman gyi bla bai DUR+ya'i 'od de'i byang chub sems dpa'i spyod pa ni tshad med do/ /thabs la mkhas pa yang
429b3 tshad med do/ /smon lam gyi khyad par rgyas pa yang tshad med do/ /nga de bzhin gshegs pa de'i byang chub sems dpa'i spyod pa bskal pa 'am/ bskal pa las lhag par rgya cher yang dag par
429b4 bshad par 'dod kyang bskal pa zad par 'gyur gyi/ bcom ldan 'das de bzhin gshegs pa sman gyi bla bai DUR+ya'i 'od de'i sngon gyi smon lam gyi khyad par rgyas pa'i mtha' rtogs par ni mi
429b5 'gyur ro/ /yang de'i tshe 'khor de'i nang nas byang chub sems dpa' sems dpa' chen po skyabs grol zhes bya ba stan las langs te/ bla gos phrag pa gcig tu gzar nas pus mo g.yas
429b6 pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das/
429b7 slad ma'i tshe slad ma'i dus na/ sems can bro nad sna tshogs kyis yongs su gzir te/ yun ring po'i bro nad kyis lus kyi sha bas shing bkres pa dang / skom pas gre ba dang / mchu ni
iiif viewer powered by OpenSeadragon
Texts on this page
H472 - 'phags pa bcom ldan 'das sman gyi bla bai DUrya'i 'od kyi sngon gyi smon lam gyi khyad par rgyas pa zhes bya ba theg pa chen po'i mdo