| e-texts navigator |
| བོད་ཡིག |
202b1 la mngon par dga' ba yin te/ mchog la mngon par dga' ba de dag ni rnam par smin pa'ang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog
202b2 'ba' zhig tu 'gyur bar shes par bya ste/ 'di ni dge 'dun mchog tu gdags pa zhes bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan
202b3 'das kyis gsungs pa la mngon par bstod do/ /mchog tu gdags pa'i mdo rdzogs so// //rgya gar skad du/ bi muk+ta mArga d+hu ta gu Na ni rde sha nA ma/ bod skad du/ rnam par grol ba'i lam
202b4 las sbyangs pa'i yon tan bstan pa zhes bya ba/ 'jam dpal gzhon nur gyur pa la phyag 'tshal lo/ /de nas de ltar tshul khrims rnam par dag pa'i rnal 'byor pa spyod pa sgrub par 'dod pa/
202b5 yon tan don du gnyer bas sbyangs pa'i yon tan yang dag par blangs te 'jug par bya'o/ /rnal 'byor spyod pa sbyangs pa'i yon tan yang dag par blangs pa ni rnam grangs du mas 'dod pa chung ba nyid dang /
202b6 chog shes pa nyid dang / yo byad bsnyungs pa rgyas pa dang / brtson 'grus rtsom pa dang / dgang sla ba nyid dang / rig par gnas pa nyid dang / yongs su zhan pa rab tu gcod par 'gyur zhing / 'di ni tshul khrims
202b7 phags par bsrungs pa dang / ting nge 'dzin gyi tshogs dang / 'phags pa'i rigs snang bar 'gyur la/ yon tan gyi mchog dag la'ang snang bar 'gyur ro/ /de la sbyangs pa'i yon tan bcu gsum la gos dang ldan pa gnyis
iiif viewer powered by OpenSeadragon
Texts on this page
H308 - mchog tu gdags pa'i mdo
H309 - rnam par grol ba'i lam las sbyangs pa'i yon tan bstan pa zhes bya ba