rKTs

e-texts navigator

Volume

Page

243b₁ ro| |legs par smras pa yang dag par blangs pa'i phyir gzhan gyi dring mi 'jog par yang 'gyur ro/ /ye shes rgya mtsho dang ldan pa'i phyir rgya mtsho dug can lta bur yang 'gyur ro/ /dkar
243b₂ po'i chos yongs su rdzogs par byas pa'i phyir zla ba lta bur yang 'gyur ro/ /gti mug gi mun pa sel ba'i phyir nyi ma lta bur yang 'gyur ro/ /nyon mongs pas 'khor ba la mngon par 'jug
243b₃ cing 'gro ba'i tshe bar snang lta bur yang 'gyur ro/ /de dang de mngon par rtogs pas pad+ma lta bur gos pa med par yang 'gyur ro/ /sems nam mkha' dang mtshungs pa'i phyir mi gnas
243b₄ par yang 'gyur ro/ /chos thams cad la nges par 'bigs pa'i phyir rdo rje lta bur yang 'gyur ro/ /de bzhin gshegs pa'i yon tan gyi che ba nyid rtag pa dang / ther zug pa dang / brtan
243b₅ pa thos na mi g.yo ba'i phyir ri lta bur yang 'gyur ro/ /de bzhin gshegs pa'i rigs dang rgyud la ye shes rnam par dag pa'i phyir bai DUR+ya lta bur yang 'gyur ro/ /nyon mongs pa'i rnyog pa
243b₆ sel ba'i phyir rgya mtsho dug can pa'i gser gyi pha bong lta bur yang 'gyur ro/ /de bzhin gshegs pa'i rtag pa dang / ther zug pa dang / brtan pa'i rang bzhin mthong ba'i phyir zla ba lta bur
243b₇ yang 'gyur ro/ /de bzhin gshegs pa'i chos las mi g.yo ba'i phyir ri lta bur yang 'gyur ro/ /de bzhin gshegs pa gtan du mya ngan las mi 'da' zhing chos nub par mi 'gyur ba thos na

_{iiif viewer powered by OpenSeadragon}

243a - 244a

Texts on this page