rKTs

e-texts navigator

Volume

Page

139b₁ dngos po med par mi ltung ba dang / chos gang yang dngos por yang mi byed/ dngos po med par mi byed par sgom pa ste/ de ltar bsgom na lam sgom pa la brtson pa yin no/ /smras pa/
139b₂ lha'i bu| gang gis lam bsgom par bya/ smras pa/ tshangs pa/ mthong bas ma yin/ thos pas ma yin/ dran pas ma yin/ rnam par rig pas ma yin/ thob pas ma yin/ mngon du
139b₃ byas pas ma yin te/ gang chos thams cad la mi sgom pa 'di ni lam sgom pa'o/ /smras pa/ lha'i bu/ ji ltar na byang chub sems dpa' brtson 'grus kyi go cha sra ba bgos pa zhes bya/ /
139b₄ smras pa| tshangs pa/ byang chub sems dpa' gang chos gang la'ang gcig pa'am/ tha dad par yang dag par rjes su mi mthong ba 'di ni byang chub sems dpa' brtson 'grus kyi go
139b₅ cha sra ba bgos pa zhes bya'o/ /gang chos kyi dbyings ma 'dres pa'i phyir chos gang la'ang 'byed par mi byed/ sbyor bar mi byed de/ chos kyi dbyings ma gtogs par kun nas nyon
139b₆ mongs pa dang / rnam par byang ba mi mthong ba 'di ni byang chub sems dpa'i brtson 'grus rtsom pa'i mchog go /gang chos thams cad la bsal ba dang / bzhag pa med pa 'di ni
139b₇ brtson 'grus rtsom pa'o/ /tshangs pa/ gang la lus dang / ngag dang / yid kyi rtsom pa med pa 'di ni brtson 'grus rtsom pa'o/ /de nas bcom ldan 'das kyis lha'i bu phyir mi ldog pa

_{iiif viewer powered by OpenSeadragon}

139a - 140a

Texts on this page